خيانة زمن

38

يسعد صباحكم ..

البارت عوضتكم بي للتأخير اكثر من 4000 كلمة

……… ..

مرضها حيل خوفني وكلام الطبيبه قلقني اكثر
خاص بعد ماحسيتها تعبانه الدرجة ماتكدر تشيل ايدها وتعين نفسها حتى ثوبها ماتگدر تغيره بنفسها

بيوم الرجعنه كوه خليتها تاكل لكمه شربتها علاجها
طلعت للجهال جانوو يلعبون ومبهذلين ارواحهم امي وحدها واحسها تعبت حيل

احتاريت بروحي لااكدر اخابر  سرور ماادري شسالفتها وي حسين  حتى اعرف اكدر اجيبها لا

اخذتهم غسلتلهم وامي بدلت الهم
عيني عليها حيل متغيره وتعبانه
گعدت يمها بست راسها

..يمه تعبتج وياي

..لا يمه شتعبتني تعبكم راحهر ادعي الله تكوملك مريتك ويريح گلبك بسلامتها

..اي والله يمه ادعيلها ..ادعيلها وادعيلي خايف عليها حيل والطبيبه خوفتني اكثر
هسه نامت هي وحرارتها مرتفعه حيل شسويلها ماادري

..لاتخليها تصعد يمه خل تاخذ دواها انه اخاف ع الولد جاگعدت يمها روح انت يمها وخلهم ذوله اغديهم وينامون من الصبح گعدوو

رحت للغرفه لكيتها على نومتها لونها شاحب صفارها يخووف

گعدت يمها جستها حاره حيل
  سويتلها كمادات

ماحست بيه ابد حالتها صارت اسوأ الخوف ذبحني وين اروح بيها هسه شو علاج وجبتلها وانطيتها
ظليت اقرأ عليها ايات

خابرني وسام يسأل عنها انه اول مااجيت خابرته وگتله ترى زينب مريضه حيل

گلت  يصير عدهم علم خاف يكولون محد كال النه هم الولد يوميه يخابروني يسألون عنها واجاوبهم زينه الحمدلله وهم يخابروها هي

جاوبته وهو يسأل عنها كتله شو تعبت حيل ويجوز اذا ظلت اخذها الغير دكتوره
كال انه جاي ونشوف ووياي امي
سديت التليفون بعد مارحبت بيهم

شفت عيونها ينفتحن بثگل وترجع تغمضهن
اشرتلي بايدها وماكدرت ترفعها
تأشرلي الحلگها عرفتها

..تردين ماي

اشرتلي براسها

بللت شفتها بقليل ماي وساعدتها تشرب شويه شويه

ظليت امسح براسها واحاجيها اريد تنطق كلمه وتريحني
الصبح جانت احسن

..زينب تسمعيني

چانت تون بخفه

..امچ جايه تشوفج هي ووسام لاتنامين شوفيهم
حاجيني بس حچايه وحده ريحيني عليج

اشرتلي تلعب روحها رفعتها بأيدي ساندها طلعتها للمغسله

تقيأت بتعب ماگدرت توگف على رجلها شلتها شيل بعد ماغسلت الها انتبهت هدومها ناگعه ومن خليتها ايديني كلهن دم
فراشها كله دم