#نور
بعد ما طلعو اهل البيت .. وظلت هيا بروحها .. اخذتها فرصه انها تكلم فارس ..
لان امها و بيلسان طلعو الى ام وعد .. و ريان طلعت مع خطيبها وليد
كتبت رساله الى فارس ( مساءالخير .. اذا حاب ان احنا نتكلم تقدر تجي عندي بعد ساعه ؟)
ما جاها رد فقامت تجهز احتياط اذا جاها .. و قامت تتروش و بعد ما طلعت جففت شعرها و هيا لسا بدون ملابس ! بس لابسه الروب !
اندق باب الغرفه و هيا طاح قلبها !!
نور ورا الباب - مين ؟ و فتحت الباب ..
الخدامه - مدام .. مستر فارس زوج انتي ينتظر انتي تحت ..
نور خفق قلبها و صار ينبض بقوه - طط ططيب .. و قفلت الباب عشان تبدل ..
بس ما مداها تروح عند التسريحه الا يندق الباب مره ثانيه !!
فتحته بخوف و هيا تفتكر ان الخدامه لسا عند الباب بس الصدمه كانت !!!
فارس ..
فارس ما اهتم لشكل نور .. ما اهتم انها لسا ما بدلت ! فتح الباب و دخل
نور كانت متصنمه ! من بعد ما شافته ! من بعد ما شمت ريحة عطره و هيا متخدره ..
فارس قفل الباب بالقفل
نور برجفه - فارس!
قاطعها وقال بدون مقدمات - نور انتي تحبيني ؟؟
ضاعت عيون نور بوجهه .. لو على الحب كان هان حالها .. بس اهو عشقها وغرامها وهذا الي دمرها وهد كيانها .. طول هذا الاسبوع و هيا تفكر فيها !! شنو يسمونه هذا ؟ مو حب ؟ الا عشق ! ..
فارس واهو يراقب عيونها الضايعة - ردي علي ..
نور - فارس الوضع الي احنا فيه ما عطاني مجال ابين لك انت شنو بالنسبه لي .. بس انت عارف انت منو بالنسبة لي وكلمة أحبك ماتوفيك ..
فارس مو مستوعب الي يسمعه ! - زين نوور ايش فايدة الحب ان كان مايخلينا نسامح ونعطي غيرنا فرصة .. و انتي عارفه ان الشيء الي صار ما كان بيدي
فكت نور نفسها من بين ذراعيه ووقفت ومشت واهي تمرر ايدها على شعرها بتوتر .. وبعدها التفتت وطالعت فيه وقالت بصوت فيه بنره بكي و عيونها بدأت تدمع - فارس انا فعلا زعلت عليك بذاك اليوم لدرجة اني فكرت جديا بالانفصال .. وبعدما هديت بكم يوم محيت من بالي فكرة الانفصال بس مو معناها ان قلبي راضي عن الي قاعد يصير .. بالذات الي قاعد يصير لي .. اشياء كثيره يافارس انت ظالمني فيها
