#محمد
بعد ما مشى من عند لافين و هوه كثير محتار شنو الي غيرها !!
ليه اخترت طلعتنا بدون سبب ! .. تذكر انه نسى جواله بالسياره .. و اخذه .. و خاف ان في مكالمه وصلته ضايقتها او مسج قرأته و ضايقها .. لان عنده قروب لطاقم العمل حق المستشفى ..
و ما خاب ضنه لما فتح على المكالمات الفائته و لقى رقمها فيه ..
تنهد بضيقه ..
يعني هوا ما صدق يفتك منها من المستشفى الا وتلحقه باتصالاتها و زاعجتنه طول اليوم !!!
---------------------------
#نور
بعد ما رجعت من المول و هيا متضايقه لانها ما تسوقت و مصدعه من الزحمه الي كانت فيه ..
مرت على غرفة الجلوس الرئيسيه و لقت لين و ام عبدالعزيز ..
نور - مساءالخير
ام عبدالعزيز بابتسامه لشوفتها مع آدم - مساءالنور للنور ..
نور سلمت على ام عبدالعزيز بحب و لين قامت بسرعه و اخدت آدم ..
ام عبدالعزيز - شفيك نور وجهك متغير
نور - والله مصدعه شوي يالغاليه .. بصراحه توي راجعه من السوق و طلعت منه بدون فايده غير وجع الراس
ام عبدالعزيز - و رايحه ب آدم ؟
نور - ايوا ... ياقلبي عليه .. يجنن ما حسيت اليه
لين - السوق حلاته الصبح .. وربي بالذات وقت الدوامات
نور - افكر اروح بكرا الصبح بصراحه .. لان زواج اختي بعد اسبوع و ناقصتني اشياء كثيره ..
لين - خلاص اجل ايش رأيك نطلع نفطر بكرا و اروح معاك ..
نور ابتسمت - فكره ..اكييد ليش لا
لين ابتسمت - الحلو هذا شلونه اليوم و صارت تبوسه و تلعب معاه
وآدم تعود عليهم بسرعه .. تعود يناخذ بالاحضان .. بالذات تعود على نور كثير ..
- الصباح - الساعه ٦
صحيت من النوم و لقيت فارس نايم .. باقي ساعه و يصحى عشان دوامه ..
تروشت و غيرت ملابسي و جهزت فطور و دخلت اصحي فارس الي كان نايم و كسر خاطري كثير لانه نام متأخر ..
