الأمير و الجميلة

الجزء السابع و السبعون (٧٧)

في القاعه .. 

كان كل شيء جاهز مثل ما طلبت لين بالضبط .. و ريام  ضافت عليها لمساتها الخاصه .. كانت تحاول تترك اثر فرحي فيها .. 

عند #لين 

كانت جالسه بالروب الابيض .. و حاطه رجل فوق رجل .. و تشرب قهوتها .. و العامله تبرد لها اظافرها 

دخلت ام عبدالعزيز و هيا لابسه فتسانها الاسود .. الفخم .. و شكلها بالميك اب الناعم اعطاها هيبه ..

ام عبدالعزيز - لين !! .. ما لبستي فستانك !

لين ابتسمت لتبين برودها الخارجي بعكس النار الي مشتعله في قلبها - شفيك ماما ؟ لسا بدري .. و بعدين ما ابي توتر اليوم ..

ام عبدالعزيز - يالين وراك تصوير و المعازيم بدو يحضرو !

لين - توهم جوري و نور كانو عندي و محد قالي .. 

ام عبدالعزيز - اكيد تلاقيهم مارين عليك بيروحو للقاعه .. يلا حبيبتي .. قومي اجهزي .. 

لين - طيب بس اخلص الي بيدي 

ام عبدالعزيز طلعت من عندها بتوتر ما تبي تفزعها او تخوفها او تعصب على برودها .. 

توجهت للقاعه وين ما لقت ام بدر توها داخله مع بنتها و زوجة ولدها .. 

ام بدر - بالمبارك يا ام عبدالعزيز 

ام عبدالعزيز - الله يبارك في حياتك حبيبتي .. كيفكم يابنات ؟

ليان و بيان - بخير .. 

ام عبدالعزيز - شفيكم واقفين بالمدخل .. تفضلو تفضلو .. 

و دخلو سوى وين ما المكان مشغل فيه المسيقى الهادئه ..  بطلب من لين الغريب .. 

نوركانت واقفه عند الاستقبال مع ريام و ملتهيه مع راما .. انتبهت الى بيان و توجهت لوين ما هيا قاعده 

نور - اهلا اهلا .. و قربت من ام بدر - كيفك خالتي ؟ .. 

ام بدر تقبلها - اهلين يا نور .. بخير كيفك انتي ؟

نور - بخير الحمدلله .. و ضمت ليان -كيفك ياعروسه ؟؟ كثير فرحت لما سمعت عن ملكتك .. 

ليان - ههههههههه اهلين ياجميله .. بخير .. يلا دخلت عالمكم .. 

نور - هههههههههههه بس امانه اعزمينا في العرس ما نبي نسمع انها عرست و سافرت بدون لا نشوفك بالثوب الابيض

ليان ضحكت بخجل

و بعدت عنهم و ضمت اختها - ياحلووووك و انتي متختخه .. 

ام بدر بثقه - لا تخافو عليها و هيا عندي .. 

بيان - ههههههه اي والله مو مقصره معاي ..