#نور
كنت انتظر فارس يخلص من الشور حقه عشان اكلم اهلي .. كنت انتظر من اسبوعين هذي اللحظه
فارس ناظر فيني و حس بنظراتي ان انا انتظر .. تنهد - في تلفون في مكتبي .. عندك ٥ دقايق لا تخليني اقط الخط عليك
نور -طيب
قمت امشي وراه الى مكتبه و انا متلهفه شوق الى صوت الماما..
دقيت على تلفون الماما بس ما جاني رد .. رديت اتصلت عليها ثانيه و رفعت بعد الرنه الثالثه
نوربصوت منخفض- الو ماما
ام محمد- نور!! اخبارك حبيبتي .. طمنيني عنك .. شنو هل غيبه هذي .. ليه قاطعه التواصل معانا .. وحشتينا كثير
تجمعت الدموع بعيني و ناظرت فارس الي واقف متكتف يراقبني - الحمدلله انا بخير.. كيفك انتي
ام محمد بصدق - انا شايله همك طول الوقت ي بنتي .. ليه توك تتصلي وحشتيني كثير .. كيف كذا تخوفيني عليك
نور- اسم الله عليك .. ما يوحشك غالي يالغاليه انتي .. لا تخافي علي انا بخير و ان شاءالله تطمنتي الحين
ام محمد- اهم شيء هذا الكلام من قلبك ؟
نور بغصه و ثقل في قلبها - اكيد .. كيفكم انتو و كيف اخوتي و اخواتي
ام محمد- كلنا نسأل عنك حبيبتي .. ما بتجي تزورينا ؟
نور- ان شاءالله بحاول ..
فارس يهمس - يلا قفليها
نور تناطر فيه و في عيونها رجاء لكن فارس صدها و مشى طالع من الغرفه - ماما حبيبتي انا لازم اروح لان جى وقت الاكل ولازم ننزل نأكل تحت .. ان شاءالله اكلمك قريب
ام محمد- ان شاءالله .. انتبهي على نفسك ..
و قفلنا
تنهدت بحزن و عيني جت على ملابسي المريحه .. و قلت بقلبي ( اقوم اغير ملابسي قبل لا يعلق عليهم و يقول ويش هل فقر ) و قمت غيرت ملابسي و لبست فستان عنابي ساده انيق .. مخصر على الجسم . حطيت الي ميك اب نو ميك اب عشان اسوي اشراقه الى وجهي .. طلعت لغرفة الجلوس بس ما لقيت فارس بالجناح ... شكله نزل يسلم على امه !
صارت الساعه ٢ الظهر و انا جالسه بروحي و بموت من الجوع و احس بالوحده القاتله
سمعت صوت الباب يفتح و لقيت لين داخله الجناح
لين دخلت و وجها تغير الى ابتسامة كبيره - اهلاً اهلاً بالعروسه
