#وعد
بمكان بعيد عن الرايح والجاي
كان صوت كعبها يصقع بفناء الأرض الرخامية واهي متوجهة لباب الشارع تحمل بداخلها قلب مجروح .. قبضة ايدها القوية على الجوال وأنفاسها المتسارعة كنها لافة الدنيا كلها ركض .. ولا دموعها المتحجرة وسط عينها والي تكابدها بصعوبة لا تسيل .. الي يشوفها بهالحالة راح يعرف انها مجروحه و مكسوره من الداخل ...
فتحت الباب ومشت لسيارة السواق الي تنتظرها وركبت .. حيلها المهدووود .. قلبها النازف .. مخليها تحس بالانكسار ويا دموعها الي خانتها أول ماركبت وسالت بكل حرارة على خدها ..
حست بضياع حياتها من هاللحظة .. حست بدمار .. و تحس بنيران تشتعل بقلبها تحرق مشاعرها .. وماتحملت أكثر وشهاقها صارت مسموعه .. حتى السواق التفت لها مستغرب !!
كانت تبكي على حظها .. تبكي على الي قاعد يصير .. كان مفروض من البدايه ما تحضر الحفله بس هيا تسرعت و ما كانت عارفه انها راح تضعف في النهاية ..
وصلت العماره و ركبت شقتها ولحسن حظها امها ما كانت صاحيه عشان تشوف شكلها الكارثي ..
-------------------------------
#نور
كنت احاتي طول الوقت .. مدري ليه كنت بوسط البنات بس شايله هم بدون سبب
وصلتني رساله و مسكت جوالي و كانت من فارس (ارسلت السواق الك عشان تطلعي في اي وقت تبيه )
ابتسمت و ناظرت الساعه .. لقيت ان ما صار لنا نصف ساعه من دخلنا الحفله ..
رفعت عيني و همست الى بيلسان - متى تتوقعي راح تمشون ؟
بيلسان - ليه مو مستمتعه ؟
نور - الا .. بس ما راح اطول .. يصير وضعي غلط لو طلعت بدري ؟
بيلسان - لا اهم شيء حضرتي عشان لافين ..
نور - صح ..
و بعد فتره ربع ساعه تقريبا طلعت ..
دخلت القصر و استغربت بعدم وجود احد فيه ! توجهت الى جناحها و فتحت الباب و لقت فارس يجهز الاكل في المطبخ و مجلس آدم في الجلاسه حقت الاطفال
ابتسمت - الله يعطيك العافيه
فارس التفت بحب - الله يعافيك .. و ترك الي في يده و توجه لها و ضمها !!
نور ردت الضمه و هيا مبتسمه .. كانها مشتاقه لهذي الحظه و تنتظرها طول الوقت ..
