#محمد
ركب الجناح و لقى لافين جاهزه و جالسه تغير الى زين الي توها مروشته
لافين بفرحه - جيتو !! ..
محمد جلس جنبها - ايوا
لافين - الحمدلله على سلامته
محمد - الله يسلمك حياتي .. ما خلصتو ! عاد انا قلت بروح و بجي كل انتو جاهزين ..
لافين - شنو اسوي من شغله الى شغله .. راعي حملي على الاقل
محمد ضحك - ههههههههههههههههه ما قصدي شيء ياقلبي لا تتحسسي ... خلصي على راحتك ..
لافين رفعت زين الي قام بسرعه ناحيت محمد - يا ناكر الجميل ... والله اشك هل ولد من يشوفك ينكر وجودي حتى
محمد -هههههههههههههه حب الاب غير
لافين - والله و انا شغلتي اربي و هوه يحبك على الجاهز
محمد - تعبك ما راح يروح مكان .. و راح تشوفي
لافين ابتسمت - عارفه ..
محمد - يلا إياد متحمس يبي يشوفه .. خلصتي انتي ؟
لافين وقفت بتعب و مسكت ظهرها - ايوا خلصت بس البس عباتي .. و توجهت و اخذت اخف عبايه و لبستها و نزلو سوى لتحت
كانو كلهم متجمعين في الصاله بعكس قبل ساعه لما تركوها و توجو للنوم .. إياد رجع جمعتهم على الرغم ان الساعه كانت ١١ الليل ...
ابومحمد التفت- و هذا زين و ابو وام الزين وصلو ..
إياد وقف بابتسامه و شوق الى هذا الطفل الي ناوله وياه محمد
لافين بخجل - الحمدلله على سلامتك يا إياد ..
إياد - الله يسلمك مرت اخي ..
و جلسو ..
إياد يلاعب زين و شوي و ضحك - ليه ما يسوي معاي اي ردت فعل ؟
نور - هههههههههه هوا كذا هادئ بزياده .. بالله ينوكل ما شاءالله يجنن حبيبي هذا
إياد رفعه لفوق و صار يسوي حركات ممكن تبكيه بس زين تمسك فيه زياده و صار يناظر في محمد كانه يبي الامان عنده
ضحكو على ردت فعله
نور - كذا تطمنت اني ما راح اترك بنتي عندك .. شوي شوي عليه ههههههههههه
إياد يضمه و يعاند نور - والله ما اتوقع ان راح تكون بنتك مثله هادئه عشان تقعد بحضني مثله كذا
نور تناظر لافين - اصلا اولادنا عكس بعض مليون درجة صح هههههههههههههه
لافين - ايوا زين و راما مره عكس بعض في كل شيء
