#نور
بعد ما خلصت الملكه بربع ساعه كتب لي فارس رساله ان يلا بنمشي
وقفت نور و لفت على خواتها - انا بمشي الحين .. مثل الاتفاق صح ؟
ريان - ايوا احنا بنطلع الحين و بنرح على طول للمشغل ..
ام محمد الي كانت تسولف مع خواتها و مع ام تركي قامت لبناتها - بتمشي نور ؟
نور - ايوا ماما
ام محمد- احنا بعد كلها دقايق بس و نقوم .. انتظر ابوكم يخبرني .. ما نبي نتأخر على الموعد
نور تبرر لهم - فارس توه راجع من شغله عشان كذا هوه مستعجل .. و بيني و بينكم احسهم محتاسين شوفوهم ..
بيلسان - ايوا بالذات المسكينه لافين قامت على طول بعد الملكه ..
نور بقهر - ليه ما قعدو هيا و محمد سوى ؟
ريان - شوفي الوضع مره زحمه .. و بعدين مو حلوه يصير كل شيء على عجله .. و بعدين يمكن الحين راحت للمشغل
بيلسان - صح .. متحمسه للحفله كثير
نور انتبهت الى جوالها و كان اتصال من فارس .. - يلا اشوفكم بالمشغل و ودعتهم و طلعت
طلعت و لقيت البابا مع فارس واقفين قدام البوابه الخارجيه
نور ب ابتسامه - الله يعطيكم العافيه ..
- الله يعافيك
ابو محمد - ما قامو معاك امك و خواتك يابنتي ؟
نور ضحكت على وضع ابوها - ههههه لا بابا .. ماما تنتظرك تكلمها اصلا
ابو محمد - يوه صحيح وانا كيف كذا ما كلمتها !! راح عن بالي
فارس و نور ضحكو
فارس ابتسم لها - يلا مشينا ؟
نور - يلا
و ركبنا السياره و كان يبين على فارس الارهاق و التعب .. ما الومه ما نام شيء و صاحي بدري من الصبح ..
فارس - كيف وضعكم الحين ؟
نور - بروح المشغل مع خواتي ..
فارس - متى بتروحي ؟
نور - موعدنا من الساعه ٥ ونصف
فارس ناظر الساعه و لقاها ٤:٥٠ - مم يعني بتخلي السايق يوصلك ؟
نور- ايوا .. اذا ممكن
