لا تنسون تصوتون للجزء .. استمتعو
عند لافين و محمد
#لافين
كانت قاعده بالشقه و محمد نزل في زين الى امه ..
اخذت الورقه مره ثانيه بيدها و احتارت و هيا تقراها مره ثانيه و تشوف نتيجة التحليل ..
دخل محمد و هيا لا شعوريا اخترعت و و طوت الورقه لنصين
محمد يتجاهل الورقه الي بيدها - ليه ما تنزلين معانا شوي تحت .. لسا تعبانه ؟
لافين ابتسمت و قالت بقلق - شوي .. بس مو على اساس انك انت كمان تعبان ؟؟؟
محمد - بلا .. بس والله احس شوي صحصحت لما قعدت معاهم ..
لافين ابتسمت ..
محمد قعد جنبها - والله دام ان توقيت الدوام بكرا بيتغير على الدوام الرمضاني اشوفني لسا مو قادر اجبر نفسي للنوم ..
لافين - بس راح تتعب بالنهاية !!
محمد - عارف والله .. نتعود لكن
لافين - ممم .. وزين عندهم شنو يسوي ؟ هههههههههههه
محمد - هههههههههه ابد والله توه جاي الوالد و اصر اتركه لين يشبع منه
لافين ابتسمت ..
محمد - شفيك .. حاس ان فيك شيء ..
لافين ناظرته و اعينهم تعلقت في بعض .. و الاحساس ما خاب ..
اعطته لافين الورقه الي بيدها و محمد فتحها و عقد حواجبه لما فتحها و لقاها نتيجة تحاليل .. ليه متى سوت تحاليل و ما خبرتني !!
لافين تكلمت قبل لا يروح تفكيره بعيد - انا كنت شاكه بحمل .. هذا شهري الثاني و دورتي الشهريه منقطعه عني .. بس لما النتيجه قالت ان مافي حمل
محمد - طيب و دخلتي على الدكتوره ولا بس اخذتي النتيجة ؟
لافين نزلت عينها للارض - بس اخذت النتيجة
محمد تنهد
لافين - انت عارف ان انا هل فتره دايم تجيني دوخات .. و فوق هذا دورتي منقطعه .. مو دليل كافي يخليني اشك ؟؟؟
محمد مسك ذقنها و لف راسها حق تقابله - طيب ياقلبي .. ليه ما خبرتيني و خليتني افسر الك الي فيك
