و مر يوم بعده يوم .. و اليوم يجر معاه ايام ... و كيف حال ابطالنا ياترى ؟
#نور
كان فارس مسافر عنها ثلاث ايام عنده شغل .. فيها كانت تسلي نفسها و تضيع وقتها في هل ايام عشان بس ما تحس بفقده ..
و اليوم كان اليوم المنشود .. بوصول فارس من السفر
كانت نور متحمسه كثير لجيته .. و كانت كثير مشتاقه اليه !
طلعت للصاله وشافت الترتيب ودخلوا عليها العاملات باغراض فارس وطلبت منهم يرتبو اغراضه في غرفة الملابس ..ودخلت المكتب وشافته مرتب ونظيف اخذ ت شور سريع ولبست فستان خفيف و ناعم .. وتعطرت بالعطر المفضل الي يحبه فارس عليها وجلست على الكنبه تتصفح في جوالها على ما يجي فارس .. لكن بدون شعور نامت في مكانها !
بعد فتره دخل فارس الجناح و سكر الانوار في المكان وشغل التكيف المركزي بالريموت بعد ما شاف نور نايمه ! و استغرب كثير ..
وقف جنب الكنب وانحنى وشالها بين يدينه وحطها على السرير وسحب اللحاف عليها ونزل و قبل راسها وخرج للكنب الي نور كانت نايمه عليه وانسدح ودفن راسه في المخده وهو يستنشق ريحة عطرها الي اسرته و خدرته ..
" ااااااههه احبها ... احبها ... والمشكلة اني اضعف قدامها وماني قادر اقسى عليها زياده .. بالعكس كل مالي احن عليها و المشكله ان صرت احتاجها واعتمد عليها .. و ما اقدر استغني عنها بس بنفس الوقت ما ابيها تنصدم من الي راح يتغير في حياتنا .. ما ابيها تتغير علي و تشوفني شخص حقير لمجرد خيانتها بدون حيله مني .. كيف افهمها انا انا مجبر في هذا الشيء ؟ كنت اهرب و الحين مافي مجال للهروب لازم اخبرها قبل لا تسمع الخبر من احد ....اااااه يا فارس لازم تبعد نور عن المشاكل ....وانا حياتي مهدده ..بين لحظة واخرى .. وما ابي اظلم نور معي.. و بالذات انا قاعد اظلمها كثير في الايام هذي .. انا اظلمها حتى لو كنت احميها من نفسي و من الشيء الي ممكن يخرب حياتنا و يقلبها ... ااااهه يا نور وااااهه من حبك الي تملكني من الوريد للوريد"
نام فارس لا شعوريا من التعب والتفكير الكثير ... من يلومه ؟
صحت نور وهي تتقلب وانصدمت لمى شافت نفسها على السرير وقامت تدور على فارس واتفاجأت يوم شافته نايم على الكنبه
جلست على الارض جنب الكنبه وبهدوء مسحت على راسه و قالت بهمس - فارس ..... فارس
فارس فتح عينه و قال بهدوء - نوري ..
نور - حبيبي قوم نام في الغرفه
فارس - طيب حبيبي.. كيفك ؟
نور بخوف - انا بخير ... بس ليه نمت هنا مو مريحة الكنبه لك
