الأمير و الجميلة

الجزء الثامن و الاربعون (٤٨)

#فارس

كان وضعه من اسوء ما يكون .. مو متحمل بعد حبيبته كان عقله راح يجن من كثير التفكير .. لين مرت الايام و هوا يحاول يتواصل مع احد من اهل نور بس ما يشوف الاجابه ... و اخيراً تعنى الى محمد الى دوامه و خبره ان نور سافرت مع اهله عشان يرفهون على نفسها من بعد ما فقدت طفلها و هذا الشيء سكته و طمن قلبه ..

و مرت الايام و بس بقى طيفها ! يراوده طول ليله ونهاره .. طيفها الي جره بلا شعور الى جناحهم الي كان ساكن فيه معاها  .. ودخل واهو حاس بداخله انه مو لاقيها ..  بس مشاعر القلق عصفت فيه وسهرته الليل واهو يبي يعرف بس .. هل هيا بخير ولا لا ؟؟ يبي يعرف شنو تحس فيه ... اي نوبة قاعده تمر فيها بدوني ؟

مر شهر ثاني حاول يتواصل مع ابو محمد الي رجع من السفر .. و كانت الصدمه الى فارس ان نور ما كانت موجوده بالبلاد

عرف لحظتها انها البعد مرتب له .. وان السالفة متعمدة .. حز بخاطره كثير كيف هان عليها تبتعد عني .. بس اهي ايش الي يجبرها تبقى عشاني .. بالخصوص بعد ما فقدنا الجنين .. ما الومها ! بس ليه ابتعدت و تركتني بدون لا تراسلني ولا تكلمني !! ..  آه نور ايش الي سويتيه فينا !!
وبكل ليله ياخذه الشوق لدرجة الهوس .. يحس الدنيا ضيقة فيه وماعاد يقدر يتنفس من الهم والشوق ..

مضت لياليه بلا طعم .. وأيامه بلا لون .. و هوا لسا مو مقتنع من الي قاعد يصير  .. الا انه ماقدر يمنع نفسه من التمني و القى ..

-

نور نفسها كانت تموت وتحيا بنفس اللحظة ألف مره .. واهي مو قادرة تتحمل بُعد من ملك حبه كل ذره بداخلها .. وبكل مره تاخذها أفكارها انها ترسله ولا ترد على رسايله .. ولا أي شي يبرد قلبها وقلبه .. ترجع تنثني عن هالقرار .. وتستوعب نهاية هالعلاقة .. وانها بدل ماتبرد قلبها من خيانته .. راح تعذب وتولعه فيه من كثر ما انها مشتاقه اليه ..

بعد مرور ٤ اشهر ..

مرت على البعض كانها ٤ ايام و للبعض الثاني كانها ٤ سنوات !! و اول من حس الى طول الوقت هيا نور ..

#نور

بعد ما تطمنو ام محمد و ابو محمد على نور و على دراستها و على صحتها اضطرو يرجعون السعوديه و يتركونها تهتم في دراستها .. خلصت نور اول سمستر في دراستها و الحين لحظها عندها اجازة شهرين لين ما ترجع تداوم .. هذا الشيء لصالحها لان باقي لها اسابيع و تولد .. نور في نهاية شهرها ال ٨ .. و هذا الشيء كثير مخوفنها و متعبنها .. ما تبي تمر في هذا الشيء و هيا وحيده على الرغم من ان اهلها راح يجونها الاسبوع القادم عشان ولادتها .. و الشيء الي مو خايفه منه هوا وجود صاحباتها الي تعرفت عليهم من الجامعه ( ساره - مجد )