#لافين
كانت تحس بتعب و كل ما اكلت شيء استفرغت (و انتو بكرامه ) كانت كثير تحس بعدم الراحه ..
على الساعه ٤ دخل محمد الشقه بتعب بعد يوم طويل و شاق في الدوام .. لقى لافين متمدده وواضح عليها التعب
محمد قرب لعندها ولافين زادت نبضات قلبها و همست - محمد !
محمد يمسح عليها - ياقلب محمد .. تعبانه ؟
لافين عدلت نفسها و قالت و هيا متضياقه و تبعد يدها عنه - كثير ما اتحمل شيء ..
محمد و نبضات قلبه صارت تزيد و خايف من الي يفكر فيه - من شنو ؟
لافين ما ردت عليه و قامت تستفرغ .. غسلت و طلعت مره ثانيه و هيا كثير كرهانه كل شيء - محمد .. يالله ريحه كريهة !!!
محمد - من يوم جيت مو ؟
لافين - ايوا .. و ما تحملت و غطت انفها - قوم تروش !
محمد للاسف الي كان خايفه منه طلع صحيح - واضح متوحمه علي ..
لافين بكره - الله يخليك محمد بعد .. مو قادره اتحمل ..
محمد - طيب طيب .. تبين مني شيء اكلمك لك الوالده تجيك ؟
لافين - لا و مسكت بطنها و دخلت الحمام مره ثانيه ..
محمد - لا حول ولا قوة الا بالله .. و طلع من الجناح و نزل الى وين ما امه قاعده و معاها ولده
ام محمد - وين لافين ؟
محمد - والله تعابنه كثير و انا ازيدها
ام محمد - وليه يا محمد !! .. البنت ما تتحمل شيء كفايه هرموناتها
محمد - لا لا قصدي متوحمه علي .. يمه لو تركبي تشوفيها ..
ام محمد - ايوا اكيد .. و قامت و توجهت لجناحهم ..
ام محمد - لافين وينك ؟
لافين متمسكه بالمنشفه و طلعت لها - خالتي !!
ام محمد - تعبانه ياقلبي ؟
لافين - يالله مره مره .. من يوم جبت لكم زين وانا مو قادره ابي انسدح و تلوع نفسي و استفرغ
ام محمد - محمد يقول انك متوحمه عليه
لافين - والله دخل و حسيت بلوعه و ماتحملته
