اولا كل عام و انتو بالف خير وصحة و سلامه .. و عيدكم مبارك ..
قرأه ممتعه .. لا تنسون الدعم يا جميلين ..
-------------------------------------
بعد مرور شهر !!
#محمد
رجع من الدوام و دخل بيتهم .. التقى في امه ..
ام محمد تناظر الساعه - محمد ! توك راجع من الدوام ؟؟!!!!
محمد بارهاق - اي والله .. اليوم كان مره زحمه و ما مداني اطلع .. ميصير اترك الحاله الي عندي و اطلع بدون لا اسوي شيء ..
ام محمد - الله يعطيك العافيه و الله يخلف تعبتك ان شاءالله ..
محمد ابتسم - ان شاءالله ..
ام محمد - روح شوف لافين و نزلها عشان تتغدون
محمد - لا يالغاليه لا تشيلين هم اكلنا .. انا بنام على طول تعبان مالي نفس اكل
ام محمد - الي يريحك .. و ركب محمد لشقته
دخل الشقه و سمع اصوات عاليه !! و بكاء !!!
دخل مسرع لغرفة النوم .. و لقى زين يبكي بهسيريه !! و لافين تبكي معاه !!
محمد - لافين ! شفيكم !!!!!
لافين - محمد !!! و بكت زياده
محمد قرب منها و اخذ زين من حضنها و كان وجهه محمر !!ناظر لافين بخوف - صار شيء ؟؟ شفيكم ؟؟؟
لافين بصوت متقطع من البكي - مدري شفيه يبكي محمد !! مو راضي يوقف عن البكي !
محمد - يعني ما صار اليه شيء ؟ ما طاح ؟
لافين - لاا !
محمد حطه على المفرش و قعد يفحصه و كان بطنه منتفخ و ضغط عليه و كان ملمسه قاسي! .. لف الى لافين و قال بحيره - متى اخر مره غيرتي اليه ؟
لافين هدئت بعد ما شافت محمد في هذي الوضعيه - من فتره طويله ما وصخ !
محمد - اكيد معاه غازات ! و بعد الفه عنه و مسك رجلينه و صار يحركهم على اساس انها تمارين اليه ..
بعد فتره هدئ زين عن بكائه و سيطر محمد عليه و نيمه ! .. التفت الى لافين و ما لقاها موجوده بالغرفه .. نيم زين على السرير و طلع يشوفها .. لقاها قاعده تبكي ..
