الأمير و الجميلة

الجزء الخامس (٥)

بعد الوداع المؤلم و الحزين .. 

#نور 

ركبت السياره معاه و كنا ساكتين طول الوقت .. البعد بين بيتنا و القصر حقهم تقريبا ١٥ دقيقه .. 

وصلنا و لكن فارس ما فتح الباب عشان انزل - عشان اكون واضح معاك من البداية .. افتحي الدرج الي قدامك .. 

ناظرته و بعدين فتحت الدرج ... لقيت ٣ ملفات 

فارس - ممكن تفتحيهم .. 

مسكتهم بيدي .. و كنت ارجف من الخوف 

فارس ب ابتسامه خبيثه - هذا منو ؟

انصدمت لما لقيت سجل خاص في جدي  و الديون الي عليه و امتلاكه الى ارضين غير مرخص فيهم .. و اذا تحاكم ممكن تكلفه المحكمه ب مليونين .. 

و فارس لف الصفحه - و هنا مكتوب انه ماخذ قرض من البنك و انتهى وقت الدفع و المبلغ الي ضل عليه نص مليون ، اقدر في مكالمة وحده احسبه على كل هذا .. و الي اعرفه ان جدك مريض قلب صح ؟

نور - ليه تسوي فيني كذا 

فارس اخذ الملف الثاني وحطه عندي - هذي بس البداية .. افتحي هذا 

رجفت و طلعت شهقة لما قريت الملف بأسم البابا .. 

فارس - مممممم ابو محممد محسن .. رجال و النعم فيه و على العين و الراس .. ملفه نظيف لكن اقدر اسوي حركة ابين فيها العكس .. ب الاصح اتلاعب في المعلومات ..

فتح الملف الي بعده -  الدكتور محمد .. 

نور بكت - ليه تسوي كذا 

فارس كمل- اقدر اخليه يدخل غرفة العمليات و اخلي واحد من الرجال الي عندي يشيل الاغراض الي بالجراحة و يتهم ب انه نسى شيء في المريض و كذا ي ينفصل و يتحاكم او يسجن .. 

نور بصوت متقطع من البكي - ل لي ـيش 

فارس يمسك فكها بنعومة و يقربها اليه - عشان الحين تعرفي ان حياة الناس الي تحبيهم متعلقه فيك .. راح تكوني انتي السبب في اي شيء يصير لهم .. و لان ابيك تكوني ملكي و لازم اثبت الك اذا عصيتيني راح تتحملي المسؤليه و تعرفي بالعواقب .. القرار متعلق الك .. اتوقع ان الاجابه معروفه الحين .. 

نور ب انكسار - طي يـ يب انا وافقت بس لا تسوي فيهم شيء 

فارس ابتسم و مسح على خدها يمسح الدموع - هذا المطلوب .. .. خلاص ششش لا تبكي الحين بندخل و الوالدة بتستقبلنا ..