#وعد
كنت واقفه في الاستقبال مع لافين عشان نسوي خروج لماما و دخل راشد و لافين انتبهت اليه
لافين - وصل راشد ..
وعد لفت اليه و قلبها صار ينبض بقوه من طاريه - وينه ؟
لافين ابتسمت لاهتمامها ... - جاي من البوابه الرئيسيه .. و اشرت اليه و انتبه لهم و راح ناحيتهم ..
راشد ابتسم - سلام ..
- وعليكم السلام
راشد - جاهزين ؟
لافين - ايوا باقي نعطيهم ورقة الخروج ..
راشد لف لوعد الي واضح عليها كانت سرحانه و باين عليها الحزن ..
طلعو من المستشفى بعد فتره ..
-----------------------------------
بعد مرور اسبوع ..
تم تحديد ملكة لافين و محمد و كانت بعد يومين ...
-في بيت ابو محمد
الساعه ٤ العصر ..
#نور
كان فارس مسافر الى شغل في الامارات و صار اليه اربع ايام من سافر .. بس قبلها سمح لي ازور اهلي طول ماهو مسافر بحجة ان ملكة محمد كانت قريبه و قالي عادي لو اجهز معاهم و اساعدهم دام انه راح يكون مو موجود ..
كان كل شيء جاهز من طرف بيتنا . و جهزنا البخور و التوزيعات الشعبيه ... و صندوق الهدايه الي ساعدنا محمد فيه عشان يعطيه لافين في يوم الملكة ..
ريان - فستاني لسا بالمشغل صارلي اسبوع اقول بروح اجيبه و انسى ..
ام محمد- و متى بعد يا ريان ؟ قبل الحفل بساعه !!
ريان - راح اخبر وليد يجيبه لي ..
ام محمد - يلا لا تنسي ..
دخل محمد و معاه طقم الالماس ( الشبكه ) و الدبل .. - السلام عليكم ..
- وعليكم السلام
نور - هلا بالحامل و المحمول ..
محمد ضحك و راح لهم عشان يشوفو الطقم ..
بيلسان - يلا متى تبينا نعلمك عليه ؟
محمد- يلا الحين
