يوم جديد
--
#نور
فتحت عيني الا الاقيني بحضن فارس ..هل كنت نايمه بحضنه طول الليل ؟!!
سكرت عيني من الخوف على طول .. الا يدق المنبه و فارس بكل برود بعد عني و قفل المنبه .. و رجعني لحضنه !
صار قلبي يدق بقوه بعد هذا الموقف .. و صارت انفاسي غير منتظمه ..
فارس نزل لمستواي و هوه مستغرب من دقات قلبي و لقى عيني مقفله و استغرب اكثر - اسم الله على قلبك
نور انصدمت من الكلام الي قاله
فارس تنهد و ضمني اكثر
كنت خايفه اقوم لان ما راح اعرف شنو موقفي معاه .. حاولت ابين اني كنت اتحرك و متضايقه لين ما لفيت للجهة المعاكسه اليه .. و قومت نفسي و حاولت ابين ان كنت متضايقه
فارس ابتسم - صباح الخير
نور - صباح الخير ... و قامت تغسل .. و لما طلعت ما لقت فارس موجود ... لقته بالمكتب حقه و كان يكلم !
رتبت الغرفه و جلست على السرير تفكر " هل كل مره اصحى فيها من النوم بكون بقوبه مثل كذا ! اااااهه هل اتمنى قربه ولا اتمنى بعده عني ... "
طلعت للمطبخ عشان راح اسوي لي قهوه كالعاده ..
فارس طلع لي و ابتسم - نور ..
نور -مم هلا
فارس - ايش رأيك نطلع نفطر سوى ؟
نور انصدمت .."انا و فارس نطلع سوى!!!!!!!، متى صارت هذي .. الحد حقي يطلع يوديني الى اهلي و يرجعني منهم " - عادي ...
فارس - يلا قومي اجهزي توها الساعه ٩ عندك وقت ..
نور ابتسمت و عبرت جنبه عشان تروح للغرفه .. انا شوي احس بالتعب بس برضواحس لو طلعت راح اغير جو و ممكن يروح هل تعب في مخاويني من قعدت من نومي ..
و غيرت ملابسي و حطيت لي ميك اب خفيف و مرطب في شفايفي و لبست عباتي و تعطرت و صرت جاهزه .. خلال نصف ساعه بالضبط
طلعت و لقيت فارس جاهز ..
فارس - يلا مشينا
و طلعت معاه بدون لا نتكلم .. عبرنا على غرفة الجلوس الرئيسيه و لقينا ابو عبدالعزيز ..
فارس - صباح الخير يالغالي .. و نزل قبل جبينه .. و نور اتبعت خطواته
ابو عبدالعزيز - ياهلا ياهلا .. صباح النور ... ، طالعين ؟
