She's Strange

Chapter 16 - Pinocchio

Crayson's POV

Napatingin ako sa kanyang binti, nakabaon ang matulis na tuka ng isda! Sa lalim ng pagkakabaon nito ay maraming dugo ang lumalabas at tumutulo. Shit!

Napatingin ako sa kanyang mukha, seryoso lang siyang nagpipindot sa screen na parang walang nangyari.

"M-may sugat ka!" Gusto ko siyang tulungan pero patuloy lang siya sa kanyang ginagawa na parang walang naririnig at iniindang sakit. Napatingin ako sa screen.

Question no. 7

Arrange the rankings from highest to lowest of the three regions.

Pesfial Vance - Reaven Vance - Vienne Vance

x

"Ikaw ang sumagot."

Agad niyang binunot ang kanyang binti mula sa tuka ng isda, dumaloy ang masaganang dugo mula rito. Hindi man lang ba siya nasasaktan? Baka robot 'tong babae na'to!

Nawala ang focus ko sa screen ng makarinig kami nang pagbasag sa likuran ko. Unti-unting lumalaki ang basag sa mga butas dahil sa pagbangga ng tuka ng mga isdang parang pinocchio sa kahabaan ng tuka.

"Tanga, wag kang tumunganga."

Napalunok ako dahil sa kanyang boses, agad kong pinindot at sinagutan ang tanong.

Reaven Vance

Pesfial Vance

Vienne Vance

Alam kong ito ang tamang pagkasunod-sunod. May lumabas na check na simbolo sa screen. Nangangahulugang tama ang sagot ko.

Lumingon ako ng kaunti sa gilid para makita ang kanyang ginagawa. Naglalakad siya papunta sa mga butas na may dalang matulis na... binali ba niya ang tuka ng isda!? Pa'no niya nagawa iyon!?

Tinusok niya ang isdang pinocchio sa mata nito ganun rin ang iba pang mga isda na gustong pumasok sa butas. May naaninag ako sa malayo na isang grupo ng mga isda na palapit sa aming kinaroroonan.

G-grupo ito ng mga piranha!

Naamoy siguro nila ang dugo ng babae dahil humalo ito sa tubig at kumalat na sa loob nitong lugar!

Nararamdaman ko ang lamig ng tubig sa aking tuhod, pataas ng pataas ang lebel nito. Damn! Kailangan naming magmadali kundi malulunod kami dito ng wala sa oras at maging masarap na karne para sa mga carnivore na isda!