ခရမ်း​ရောင်​ ခံစားချက်​များ

#တိတ်​ဆိတ်​​စွာ ကုန်​ဆုံး​သော ည​တစ်​ည#

စက္ကန့်​​တွေစု​ပေါင်းပြီး မိနစ်​​တွေဖြစ်​လာခဲ့တယ်​။

နှင်းစက်​​တွေစု​ပေါင်းပြီး ​ရေအိုင်​ငယ်​​လေး ဖြစ်​လာခဲ့တယ်။

မြေပြင်​​ပေါ်ကျ​နေတဲ့ နှင်း​ရေစက်​တွေ တ​စက်​စက်​ ကျသံက စည်းချက်​မှန်​မှန်​ ကြား​နေရတယ်​။

မှောင်​မိုက်​လှတဲ့ ​ကောင်​ကင်​​အောက်​မှာ ညနက်​ရဲ့ စစ်​မှန်​တဲ့ ​အော်​မြည်​သံ​တွေ ကြား​နေရတယ်​။

မှိတ်​တုတ်​မှိတ်​တုတ်​လင်းလက်​​နေတဲ့ ကြယ်​​လေး​တွေက မ​ရေမတွက်​နိုင်​​လောက်​​အောင်​ များပြားလွန်းတယ်​။

မျက်​စိတဆုံး ​မှောင်​မိုက်​​နေပြီး မျက်​ကန်းတ​ယောက်​လို ငါရဲ့အမြင်​​တွေက ​ဝေဝါး​နေခဲ့တယ်​။

တိတ်​တဆိတ်​နဲ့ ​အေးစက်​စက်​ အခန်းထဲမှာ ငါ့ရဲ့ ဝင်​သက်​ ထွက်​သက်​က အသက်​ရှုတယ်​ဆိုရုံ​လောက်​​လေး သတိထားလို့မရ​လောက်​​အောင်​ကို ​နှေး​ကွေး​နေခဲ့တယ်​။

အဝတ်​စား မ​ရောက်​နိုင်​တဲ့ ငါ့ရဲ့​ခြေ​တွေလက်​​တွေနဲ့ ငါ့ရဲ့မျက်​နှာက ​အေးစက်​​နေပြီး ငါ့ရဲ့ နှတ်​ခမ်း​
ထောင့်​စွန်းက အ​ပေါ်ကို​ကွေးတက်​​နေကာ ​လှောင်​ပြုံးတခုကို ချိတ်​ဆွဲထားတယ်​။

တင်းကြပ်​လွန်းတဲ့ ခံစားချက်​​တွေ အလွန်​မှာ ငါ ဘာတခုကိုမှ မခံစားရ​တော့ဘဲ စိတ်​​ရေအလျှင်​က ​ရေ​သေတခုလို ပကတိ တည်​ငြိမ်တိတ်​ဆိတ်​လွန်း​နေတယ်​။

ခန္ဓာကိုယ်​​ပေါ်ကို ​အေးခဲမတတ်​ ကြမ်းတမ်းစွာ တိုက်​ခတ်​လာတဲ့​လေကို မျက်​လုံး​တွေ အသာမှိတ်​လိုက်​ရင်း ထိ​တွေ့မှုခံစားချက်​​တွေ တခုတ​လေမှ လွတ်​ထွက်​မသွားရ​အောင်​ အပြည့်​အဝ ခံစား​နေလိုက်​တယ်​။

ပါးစပ်​လှုပ်​ရုံ​လောက်​ ခပ်​တိုးတိုး ​ရေရွတ်​​နေခဲ့တဲ့ နံပါတ်​စဉ်​ ၁၀၀၀ကို ၁ ​ကျော်​လာတဲ့အချိန်​မှာ ငါ့ရဲ့ ထိန်းချုပ်​ထားတဲ့အသိစိတ်​ကို လွတ်​ထွက်​ခွင့်​​ပေးလိုက်​တယ်​။

တ​ဖြေး​ဖြေး အသိစိတ်​လွတ်​ထွက်​သွားတာနဲ့အတူ ငါဘာတခုမှကို မခံစားရ​​တော့ဘူး။

"အဲ့​တော့ ငါအိပ်​​ပျော်​သွားခဲ့တယ်​"

နှစ်​နှစ်​ချိုက်​ချိုက်​ကို အိပ်​​ပျော်​သွားခဲ့တယ်​။

ဘယ်​​တော့မှ မပြီးဆုံးတာ့ဘူးလို့ ထင်​မှတ်​ထားတဲ့ ငါ့ရဲ့ ရှည်​ကြာလွန်းတဲ့ တစ်​ညတာကို ဘာအ​တွေးမှမရှိဘဲ ပကတိ တိတ်​ဆိတ်​​စွာနဲ့ ဖြတ်​သန်းနိုင်​ခဲ့တယ်​။

အသိစ်ိတ်​ပြန်​ကပ်​လာလို့ ငါ့ရဲ့အမြင်​အာရုံ​တွေ ကြည်​လင်​ပြတ်​သားလာချိန်​မှာ ငါ့ရဲ့မျက်​နှာချင်းဆိုင်​မှာရှိ​နေတဲ့ ကြည်​လင်​​တောက်​ပပြီး ​အေးချမ်းဆိတ်​ငြိမ်​လှတဲ့ ရင့်​ကျက်​တဲ့အလှတရားနဲ့ မျက်​နှာလှလှတခုကို ​တွေ့လိုက်​ရတယ်​။

ငါ အလှပိုင်​ရှင်​မျက်​နှာကို ပြုံးပြလိုက်​ချိန်​မှာ သူကလည်း စိတ်​နှလုံး​အေးချမ်း​စေတဲ့ အ​ငွေ့အသက်​ပြင်းပြင်းနဲ့  တည်​ငြိမ်​​​အေး​ဆေးစွာ ပြုံးပြလာခဲ့တယ်​။

ဆောင်းဦး​လေ​အေး​တွေ ရုတ်​တရက်​ ရပ်​တန့်​သွားပြီး ​နွေးဦး​လေ​နွေး​နွေး​လေး​တွေ စတင်​တိုက်​ခတ်​လာသလို သူရဲ့ အပြုံး​တွေက ​ခြောက်​​သွေ့တည်​ငြိမ်​တိတ်​ဆိတ်​​နေတဲ့တဖက်​မှာ ​ရင်းနှီး​ဖော်​​ရွေနွေး​ထွေး ​နေခဲ့တယ်​။

ငါ ငါ့လက်​ထဲက မှန်​ကို ​ဘေးနားက စားပွဲ​ပေါ်တင်​ပြီးတဲ့အချိန်​မှာ ဘယ်​တုန်းကမှ ဘာမှမဖြစ်​ခဲ့သလို အရာအားလုံးက လှုပ်​ရှားမှုတခုတ​လေ​တောင်​မရှိဘဲ ပကတိ တိတ်​ဆိတ်​ခြင်းအမှုက ကြီးစိုး​နေခဲ့တယ်​။