الخلفاء الراشدين

الحلقة 23

اللهم صل وسلم وبارك على سيدنا ونبينا محمد وعلى آله وصحبه أجمعين ________________________________________

خلي الامل بالله موصول:
مات صديق الدرب لرسول الله مات سيدنا أبو بكر الصديق  يالا بينا نكمل قصص حياة الخلفاء الراشدين
( 23 )

زي مقولنا إمبارح  أسلم القائد الروماني جرجة .. وطبعاً ده كسر روح الجيش الرومانى المعنوية .. شوفتوا جمال ردود سيدنا خالد بن الوليد  فى الدعوة .. تعرفوا أن سيدنا خالد ماكانش حافظ من القرآن غير بعض السور القصيرة .. كان سيدنا خالد يمسك المصحف ويبكى ويقول شغلني الجهاد عنك .. ماكانش عنده وقت يحفظ، كان كل وقته للجهاد فى سبيل الله .. خاض معارك كتيرة جدا .. وأسلم على أيده واحد من قادة الروم ..

القائد جرجة أسلم  فقال يا خالد أريد أن أصلي .. وكان المسلمين فى نص المعركة ومفيش وقت عشان يغتسل فجابوا جردل مياه وصبوه علي جرجة .. فتطهر عشان يعرف يصلى، وركب جرجة الفرس واخذ سيفه وركب سيدنا خالد .. فالرومان لما شافوا المنظر ده ولقوا القائد بتاعهم مع المسلمين فأتغاظوا جدا وقرروا أنهم يقتلوا جرجة، فدخل الجيشين في بعض .. وحصلت ملحمة شديدة جداً لدرجة أن خالد أمر الجيش يصلي الظهر والعصر ايماءاً يعنى مش هيقيموا الصلاة ويقفوا، فجرجة ما لحقش يصلي غير ايماءاً بعد ما أسلم .. وبعد العصر ضربوا جرجة بسهم فأستشهد، ربنا أنقذه من النار .. مات بعد ساعات من إسلامه ..

وبدأت الغلبة تبقى للمسلمين .. خلوا بالكم المسلمين كده منتصرين والرومان لما خافوا دخلوا يستخبوا في القرية اللي هم حصروا نفسهم فيها على يمينهم جبال وعلى شمالهم جبال ووراهم غابات وأنهار .. يعنى الموضوع متقفل خالص، فكان الرومان بيجروا وعايزين يهربوا من جيش المسلمين فالفرسان عمالين يجروا والمشاة مش لاحقين يجروا، فيبدأ سيدنا خالد يحط خطة عبقرية وهى أنه هيأمر المسلمين أنهم يفتحوا الطريق لفرسان جيش الروم ويسهلوا لهم الطريق أنهم يخرجوا من القرية وأول ما يطلعوا يقفلوا السكة تاني ..

طب الخطة دى ميزتها إيه؟ أصل الفرسان هم اللى بيحموا المشاة فى جيش الرومان .. فلو الفرسان طلعوا بره هيقدر المسلمين ينتصروا على مشاة الرومان.

وفى وسط كل التخطيط العظيم ده تحصل مفاجأة .. إيه هي؟ جواب جاى  لسيدنا أبو عبيدة بن الجراح  مع واحد من المدينة .. مرسال من عند الخليفة وراكب على فرسه ووشه متغير وواضح أنه معاه خبر مش حلو، طيب الجواب فيه إيه ؟ توفى خليفة المسلمين .. إنا لله وإنا إليه راجعون .. مات أبو بكر الصديق  .. واستُخلف عمر بن الخطاب .. وفي الجواب مكتوب أمر من عمر بن الخطاب بعزل خالد بن الوليد من مكانه وأمر بأن أبو عبيدة بن الجراح يتولى إمارة الجيش

سيدنا خالد أتعزل من قيادة جيش المسلمين .. سيدنا أبو عبيدة  بيقرا  الجواب .. بيقرا أنه لازم ينفذ الأمر .. لكن فى خطة أتحطت وخلاص جيش المسلمين هينتصر .. خلاص يدوب هيحاصروا الرومان والمعركة هتخلص ..