قلب حواء

اعلان

#قلب_حواء

.........
قد تأتي المصائب لكن على شكل خير وليس بلاء .....قد اتمزق واتهشم لكن اعيد بناء نفسي بقوتي فلا تهتم لضعفي

.......

_ام ادهم وينج

_ها عيني شبيك شصار احجي

_راح يفلشون بيوتنه شسوينه احنه بحالنه

_عزه العزاني وتالي

_ماادري هسة طلبت من شيخ العشيرة يجي ويشوف

_اي اي ابنك وينه سوة سوايته وراح شوفه لا يهدرون دمه

_ماادري اني شسويت والله بلاني بيه فوك عمايله يجي يكتل

_كله من ورة هالعرمه بت اخوك

_كاااافي لا تطولين لسانج مااقبل تحجين عليها

_ياما تقبل من وراها تكاتلوا الزلم وهسة ابني مهدور دمه

_كتلج سدي الموضوع واسكتي

_ياريته اخوك من راح اخذهن وياه

_ام اددددددهم لا تخليني امد ايدي عليج وكدام بناتج

_هو شبقى مدها مدها ايدك

_استغفر الله .....طالع اشوف شصار

طلع عمي حتى يشوف الصار واني بس ابجي اجت مرة عمي تعيط وطبت للغرفه افترستني وسحبتني من بين بناتها

_ولج اني ابتليت بيج وباخواتج شسويت فوك ماربيت وكبرت تالي هيج يصير

من ورة عرامتج وصلافتج تالي ابني يكتل الله يأخذجن بليله وحده واخلص منج

_شعليه اني شعليه والله ماالي دخل بالسالفه اصلا الولد مااعرفه

_يا ماتعرفيه اطبين واطلعين عليهم

_عمه لخاطر الله عوفيني الي بيه مكفيني واختي ماادري عنها وين من الصبح طالعه

_الله يأخذها ذيج الثانيه شحصلت من وراها بس الهم كسرت ابني

_لا تدعين عليها

_ولج اموتج لا تدخلين

_يمه كافي عوفيها شجاج عليها

_انجبي انتي ماالج دخل لا اضلين تكعدين وادافعين فاهمه محد تفتح حلكها

طلعت وضليت ابجي وبنات عمي يهدن بيه ويصبرني اختي ادك عليها ماكو مغلق خواتي كلهن طالعات محد قريبه مني

اجو شيوخ واهل الولد وسووا كعدة طلبوا فصل فلوس وفصليه هنا مرة عمي ضلت ادك وتلطم تصرخ كل ضنها وحده من بناتها

بس الي طلبوا الفصليه البنيه الي مات الولد بسببها وهي اني ميرال

طب عمي يصرخ_ميرررال ....ميرال

رحت اله ودموعي على خدي تقربت منه وهمست

_امر عمي

_بابا حضري غراضج حتى ترحين ويه الناس