البارت الخامس
#قلب_حواء
.....
سنه 2015
ميرال_لمار كوووومي يله
_عوفيني انام
_لج كومي شحجينه البارحه كومي
_مو يولاند نايمه ليش تكعديني
روجينا_بهمس تعرفين يولاند ماتقبل احد يكعدها تكعد وحدها كومي يله
_اوووووه شبيجن دوختني
يولاند_اطلعن برة اريد انام
_وخري خل اكوم
ميرال_ارتاحيتي يله امشي
لمار_مشيت واني مغمضه ونعسانه....رحت يم المغسله وكفت مغمضه عيوني وفتحت المي
ميرال_رحت اشوف لمار مغمضه عيونها ندستها فزت
حجيت_اني كعدتج حتى ترجعين تنامين وانتي واكفه
_والله راح اكتلج كافي
_شبيج نسيتي
_لا ماناسيه بس نعسانه
روجينا_كافي شكد تحجن يله رتبن قبل لا تكعد يولاند وتلكاجن مامخلصات
ميرال_ليش وانتي مو ويانه
_لا لا مااتحمل اتعب خلوني كاعده
لمار_لا الكل تشتغل عود ننطيج شغل وانتي كاعده
_ها اذا هيج عادي
ميرال_كافي سوالف يله لا تكعد ماما يولاند لان بارحه وصتني كالت اني خلصت الكيك وجهزت كلشي بس احنه نرتب الغرفه ونزينها حتى يكعد علي ويفرح بالمفاجئه
لمار_شنو الفايده نفرح وبالاخير نتسمم بالحجي
روجينا_شنو يعني
_قصدي مرة عمي كل سنه بعيد ميلاد اي واحد من عدنه لازم تخربه ونكعد كلنه نبجي من وراها....نسيتن لو تحاولن تنسن
ميرال_دخل تحجي اليوم الا ارد عليها وارجع الرزاله الها
_انجبي عيب من عمج
_عمي مااله دخل .....بس هي خل تلزم لسانها كدامي
روجينا_عفيه لا تتعاركن والله اخاف
باوعت لروجينا دمعت عيونها.....كافي ميرال ماكو عركه ولا شي يله خل نرتب الغرفه
كعدنه نرتب الغرفه لان اليوم عيد ميلاد علي نحتفل ونفاجئة
اني ميرال حاليا اني صف رابع ادبي ....روجينا صف سادس ادبي ويولاند ولمار مرحله رابعه
يولاند كليه تربيه اما لمار كليه لغات والاثنين بجامعه المستنصريه
علي معهد مرحله ثانيه ........
ماشفت بابا وماما بحياتي بس يولاند ربتني واصيح الها ماما متعلقه بيها
دائما مرة عمي بلقيس تسمعني كلام خصوصا اني ولدت بيوم الي توفت بيه ماما فلازم تسمعني كلام يخليني ابجي بس قبل جنت صغيرة وابجي هسة مااخليها تحجي واردها بس بنفس الوقت ابجي
.......
خلصنه ترتيب كعدت يولاند حضرت الكيك والعصير
اجت مرة عمي شافتنه هزت بأيدها
_تحضرن بالنفاخ وهالسوالف كومن حضرن ريوك لعمجن
ميرال_والله عدج اثنين بنات كل وحده شكبرها خل يسون الج
يولاند_ميرال اسكتي
_احنه مو خدم عدها وبعدين عمي اذا يريد يأمرنه بشي هو يحجي مااسمع الاوامر منها
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
