البارت العاشر
#قلب_حواء
روجينا_هاي شبيها بلقوسه ليش هيج طلعتنه
ميرال_اكيد عدها موضوع ويه عمو عيب نسمع.....يولاند ليش مابجيتي وكت احنه بجينه
روجينا_نسيتي يولاند اقوى وحده بينه ماتبجي كدامنه ابد ولا راح يجي يوم نشوفها تبجي
يولاند_ابتسمت الهن .....شوفوا العشه وين صار لمار حضري الكيكه شوي راسي يوجعني اروح ارتاح
_ماشي
رحت للغرفه قفلتها وكعدت .....اول ماكعدت وحدي نزلن دموعي مااكدر ابجي كدام احد بس وحدي
ليش اني الي انحط بهيج موقف.....لو بابا موجود ماجان صار هيج ماجان تهدد بأختي ولا انذليت لاحد
حتى بيت اهلي مااكدر اروح مااكدر اخطي خطوة بيه فقدت اهلي بهذا البيت
كلشي يذكرني بيهم ......من جنه صغار كعدنه شهر بيه وماكدرنه اني ولمار نسمع اصوات وعياط تعبنه واحنه نهلوس ونخاف
اذكر موقف بابا من حاضن الملابس ويبجي اخر مرة شفته ضعيف وفقدته وبيبي ضلت بالبيت ماطلعت الى ان ماتت
ميرال وروجينا يخافن مجبورة اواجه واقبل بكلشي
........
عصام_ليش هيج طلعتي البنات جانن كاعدات احرجتيهن مااشوفيهن كبرن غلط تصرفج
بلقيس_عوف تصرفي على صفحه .......اجيت اكلك على شي
_شعدج
_ادهم يريد يزوج
_واخيرا عقل ويريد يستقر منو تخطبين اله
_شوف هذا جان قرارهم واحنه ماندخل لان واحد يحب الثاني ومستحين منك واصلا ادهم مثل ماتكول عقل والسبب يولاند
_شنووووو انت شتحجين تخبلتي
_على كيفك الحجي مو من عندي من يولاند وادهم
_ادهم ويولاند بلقييييس لا تخبليني
_اني هم نفس رده فعلك ماصدكت بس ادهم حجه وياي وكال خجلانه ماتحجي لان تحس تخونكم بتصرفها
بس بعدين اجت الي وبجت واعتذرت وكالت احبه مو بيدي
_بلقيس يولاند ماتسوي هيج اعرفها ومستحيل تباوع لادهم
_ليش شبيه مو رجال......وبعدين هي ماتهتم للشهاده وهالسوالف المهم يحبها والولد رايدها وهي هم تريده وحجت وياي حتى احجي وياك لان مستحيه منك
اني اشوفهم مناسبين لا توكف بطريقهم وبسبب يولاند ادهم تاب وعاف هالسوالف ويريد يكون عائله ويستقر
.........
لمار_كاعدين وطلع عمي عصبي وصاح يولاند
كلنه فزينه على صوته
روجينا_عمو شبيك عصبي
يولاند_طلعت ركض على صوت عمي ......ها عمو
_وين ادهم
ادهم_شصار
_انتو مقررين تزوجون
ضليت ساكته ماجاوبت عمي بسرعه دنكت رجع حجه
_جاوبوني لا اسكتووووووون انتو قابلين
باوعت لادهم هز راسه موافق رجع عمي باوع عليه
_وانتي يولاند .......بنتي احجي ولا اضمين عليه شي الحجي صحيح
_باوعت على اخواتي بحاله صدمه والاكثر ميرال جانت مصدومه وتبجي انتبهت عليها شلون انصدمت من عرفت بزواجي بأدهم لعد شنو يصير بيها اذا جان زواجها من ادهم يمكن تدمر
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
