البارت 32
#قلب_حواء
...........
لمار
فتحت الباب ماكو احد طبيت جوة وحجيت وفاء....هذا علاجج
مااحس الا احد خنكني من ورة وكع الكلاص من ايدي وضليت اعيط
_منوووو عوفيني
ضليت ادفع بيها ماكو ماتعوفني اتوحشت عليه دست على الكزاز اصرخ من الوجع والخنكه
_عووووفيني ساعدوني خلصوني منها
محد يسمع عمه ادم ماكو صوتها....حسيت شوي وافقد من الخنكه بديت اغوش واني بين اديها مااكدر ادافع عن نفسي
حسيت على ادم يسحب بيها فلتت اديها من ركبتي وكعت بالكاع اكح واتنفس بقوة اريد بس ارتاح من الخنكه
ادم_وفاااااء كافي
ضل يحجي ويه وفاء واني بالكاع اكح ومختنكه كعدها على الجربايه سكتت اجه يمي كعد بمستواي وسحبني لحضنه
_عوفوني شسويت الكم
_كومي
رفعني وكومني رجعت وفاء كامت بسرعه خلاني ورة ظهرة....حجت بصوت خشن
_منو هاي غريبه
_وفاء اصحي اخذي العلاج وارتاحي
_ماتأذيني
_لا ماتأذيج
سمعت كلامه وكعدت اخذت علاجها ونامت
_اطلعوا انام
باوع عليه ادم شافني ابجي تقرب راد يلزمني وابتعدت
_شكاعد يصير شمسوي بيها
_تعاي للغرفه ارتاحي
_شلون ارتاح واني شفت هيج منظر
ابتعدت عنه ورجعت خطوة ليورة الكزازه برجلي طبت اكثر وكعت بالكاع ركض عليه شالني واخذني للغرفه
كعدت على الجربايه ونزل شوي ورجع بيده كلاص وعلبه بيها قطن ومعقم
_اشربي
اخذت الكلاص بدون ماارد عليه
راد يتقرب لرجلي بسرعه سحبت رجلي
_اعقمها واطلع الكزازه
_لا تأذيني
_مااذيج
_اخاف والله اتوجع
_غمضي عيونج وديري وجهج بس اطلع الكزازه مو زين عليج
غمضت عيوني ودرت وجهي للجهة الثانيه حتى لا اشوف سحب الكزازه عقم الجرح ونظفه وحط لفاف
فتحت عيوني جان كاعد على طرف الجربايه
_ادم شكاعد يصير....شنو كمت حتى العيشه مااضمنها هنا
مااعرف اذا بسبب هالاوضاع بعد اعيش لو تبقى حياتي بخطر
ليش وفاء تصرفت هيج اني ماسويت شي
_اني وصيت امي محد يصعد بيكم وكلتلها لمار لا تصعد لوفاء لو تشوفها ليش صعدتي....واني اجيت بهالوكت لان اعرف موعد العلاج الحمد لله لحكت عليج
_وعمتك وين لكيتها
_بالغرفه ويه لمار .....وسألت عليج كالت اخذت العلاج لوفاء ليش صعدتي
_عمتك طلبت مني
_لا.....موعساس انتي عاندتي الا تأخذين العلاج الها ومااهتميتي للكلام
_لا هي كالت الي اخذ العلاج ماادري هيج يصير
_المهم بعد لا ترحين للغرفه وتأخذين العلاج اني موجود وحتى لو طالع اعرف الموعد واجي
_شبيها وفاء
_ماادري.....اي دكتور اروح اله ماينطي جواب الي يكول صرع والي يكول بالعقل
سويت تحاليل لكل جسمها وطلعت سليمه مابيها شي بس مااعرف شنو السبب
ومو بس انتي تهجمت عليج على دكتور تهجمت وعلى امي
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
