البارت 30
#قلب_حواء
............
لمار
ضليت كاعده انتظر وتعبت.....ردت اغفه واطب فزيت
ابتسم بتعب ونزع السترة تقدم بأتجاهي حضني
باس جتفي ورجع باوع عليه
_ادم....شبيك
_ليش ماكلتي حبيبي بدال ادم
_نظراتك وترتني
_لمار......اريد احجي الج شي
_شنو
اني اكدر اتقرب منج ونعيش حياتنه ولا عبالك مجذب عليج واضم هالشي بس مااكدر هنا...اشر على كلبه ....هنا اكو وجع بكل مرة احجي وياج واني ضام عليج هالشي
_ماكاعد افهم....شنو مجذب وشنو ضام عليه خوفتني
_هالشي مااريده يخرب حياتنه واني مااريد اضلمج
_ادم احجي شكو
تنفس بأنزعاج وكعد على الجربايه
_اني مزوج
_شنو يعني شلون
مزوج وحده قبلج وانتي الثانيه
_ههههه اكيد هذا مقلب من مقالبك بس مو حلو تهبطني بيوم عرسنه
_اتمنى مقلب
_لا صدك....احلف
_والله
_شكاعد تحجي....ادم كول جذب شنو مزوج
_مزوج وعندي بنيه
_شنوووو من شوكت
_تقريبا سنه ونص اكثر
_انت تعرف شتحجي .....يعني جانت بيناتنه علاقه وانت مزوج
_اي
_ليش.....انت اذا عندك بيت وعائله ليش هيج اسوي حرام عليك اني شنو ذنبي احب رجال مزوج
شسويت الك حتى تحطني بهالموقف....الله يخليك ادم كول جذب
_مااكدر بعد اضم عليج
_زين عمو سأل عليك ماكالوله مزوج
_اني ماردت اسكت ليوم الزواج....بس مرة عمج قنعتني
_بلقيس تعرف
_اي....وكالت اذا لمار عرفت مزوج ماتقبل بيك ابد فضليت ساكت ماكدرت احجي وجوارينه يعرفون بحاله مرتي وقنعتهم مايكولون
_ماكاعد اصدك انتو شنو ليش هيج سويتوا بيه ياريت حجيت الي قبل الزواج جان عفتك ....امداني وامده كلبي الي اختارك وحبك
انت مو عفتني لو ضال عايفني وراجع لحياتك واني وحدي اطيب
_مااكدر
_لييييش
_لان مرتي مريضه....بالبدايه كلت نعرف شبيها وعلاج موجود....بس لحد الان محد وكف على علتها
اني عفتج لان مااكدر اعلقج بيه اكثر واكثر اعرف هالجذبه ادمر كلشي فكلت انسحب احسن لان اذا اضل اكثر تتأذين اكثر
وبعدها تمرضت وفاء وبنتي صغيرة تبجي تريد امها ومااعرف شسوي
بس جنت كل مااوكع اذكرج بسرعه كبالي تصيرين مااعرف يمكن لان ضلمتج صار بيه هيج
حجيت لامي لان تعبت ومااعرف الحل ماقبلت على تصرفاتي واني مزوج وهيج اسوي بس كالتلي ازوجها يمكن الله يسامحني ويرجع كلشي طبيعي
_مصلحه.....ازوجتني مو رغبه حتى بس تروح حوبتي وماتتأذى ليش
اذيتك بشي كلشي ماسويت حتى مو اني الي تقربت...انت الي كتلت روحك بس حتى اقبل بيك وتالي مزوج....طلكني
_لمار اهدي صدكيني مااريد اذيج
_طلكني ماابقى هنا هسة تخابر عمي يجي يأخذني
_تخبلتي اطلكج بليله العرس العالم شتكول واني اريدج مو انوب اطلكج
_عوفني طلكني
تقربت اريد شي اكسرة وارتاح ضليت اشيل بالعطور والتحفيات واشمر بالكاع اكسر واعيط
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
