البارت 18
#قلب_حواء
.........
ميرال
كعدت الصبح راسي يوجعني وجوعانه باوعت فراس نايم بالكاع
ضليت كاعده بمكاني وابجي سمعت صوته
فارس_لا عليج الله اسكتي حتى الصبح اسمع شهكاتج وبجيج
_شعليك نام انت شدخلك بيه
_شلون انام وصوتج عالي بابا كاتلج سابج سوينالج شي حتى هيج تبجين
_انت ماتحس بيه ماتعرف شنو بيه ولا تعرف وجعي حتى هيج تحجي
_شنو شبيج هاي كعدت احجيلي شنو وجعج
_ماتفهم خليني ساكته
_شلون بيج .....انتي متأكده ماحبيتي فؤاد
_اوووف رجعنه كلت لا لو احبه صدك ماقبلت بيك ولا قبلت اروح فصليه اني مااحبه ماعندي علاقه وياه كم مرة شفته واشرد منه بعد منين جبت احبه
_كافي على كيفج شحجينه هسة
_اي كافي بعد لا تسألني على هالموضوع
_صوجي عود تعاطفت وياج
_مامحتاجه عطف احد
_اي هاي هي
كام طلع ورجع فتح الباب يباوع عليه حجه
_جوعانه
_اي بس مااريد
_ليش اطلبي لو ماتقبلين احد يجيبلج شي
_لا بس مو حلو هيج بهذا الوضع انتو تعبانين واني اكل بدون مااهتم
ضل يباوع عليه صافن
_شكو
_ها لا ماكو شي هسة اشوفلج فرح
طلع ضليت كاعده بالغرفه فترة واجه هو وفرح بيدها لفه وجاي
كمت بسرعه حجه
_اكعدي اكلي لا تكولين لا
_اكل هيج
_شلون يعني
_اريد اغسل
فرح_تعاي اني اوديج للحمام
طلعت اني وفرح غسلت ورجعت
فرح_شبيهن عيونج هيج
_لان ابجي
_كافي قابل تموتين نفسج صار الي صار
_فرح اني مادخلني بالموضوع
_ادري واعرف فؤاد جان يريدج بس ماحجيت الج
_يعني تعرفين مو ذنبي
_اي بس شسوين مكتوب هذا الشي وبعدين اني موجوده وفراس موجود
_ماتعرفين شنو وجعي متأذيه حيل
_احنه وياج وتتأقلمين ويانه راح تحبينه اكيد لا تخافين
_اي
رجعنه للغرفه فراس يخابر
_مصطفى شوف الصيدليه اني مااكدر اجي هسة كم يوم وارجع
كعدت اكل وهو يخابر فرح طلعت
_ها اكلتي
_اي.....انت عندك صيدليه
_اي ماصار اشهر من فتحتها وخليت عامل وياي هسة هو بيها
_ها
ضليت كاعده اكل وهو كام يدور بملابسه دك مبايله
باوعت مكتوب حبيبتي ضليت اباوع على المبايل لحد مااجه هو وباوع بسرعه شاله وضمه
اشرب جاي واباوع عليه من طرف عيني وهو ارتبك
_رد رد شعليه بيك
_اسكتي واكلي
_شبعت
_بالعافيه
_الله يعافيك
واحد يرد على الثاني وبنتر لا اني اريده ولا هو يريدني
........
يولاند
_انت ليش ماكلتلي على اختي هيج صاير بيها
_يعني هيج موضوع يفرح واكوله الج عادي وانتي بهيج حاله
_بس هي اختي جان لازم اعرف
_لو مابيج شي جان كلتلج
_زين اهلك هسة عدهم اختي شلون راح يتقبلوني
_ابوي مو هنا طلع من الفجر للزيارة بس امي موجوده
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
