البارت الثالث
#قلب_حواء
..........
سنه ١٩٩٧/١١/١١
بهالسنه واكف بره المستشفى وجانيت تولد
انتظر الفرحه
جنت قريب من الغرفه بس من صوت صراخها طلعت ماتحملت خفت عليها امها تبجي وخايفه وامي تدعي
الي يصبرني ذكرياتها رجعت بأخر فقرة وكفت عدها وكملت ذكرياتي وياها وابتسم
.
.
.
جانيت_احبك
_بلحظه راحت عني الابتسامه وصدمه مامستوعب باوعت عليها جانت متفاجئه من الكلمه الي نطقتها
_اني تأخرت اروح
كامت بسرعه وركضت عليها ردت الزم ايدها اوكفها بس تراجعت ووكفت كبالها
_جانيت شحجيتي
_ماحجيت شي وخر
_احجي صح الي سمعته كلتي احب
_قاسم لا اضل تخربط ماحجيت شي
_لا حجيتي ليش ماتعترفين
_ماكو هيج شي بشنو اعترف كلت وخر
_مااعوفج.....ضلت تباوعلي بحيرة رجعت كملت كلامي.....مااعوفج الا تحجين
_شنو احجي شبيك
_هالكلمه الي سمعتها شنو
_غلط مشاعري للحظه وخلاص انتهت
_غلط.....انتي خايفه مني ماتردين تعترفين
_من شنو اخاف لو اكو شي جان حجيته
_اني ماراح اضرج بشي بالعكس احبج واخاف عليج
_اي خلاص خليني امشي
باوعتله وبعدها مشيت صاح
_جبانه وراح اضلين جبانه بسبب خوفج محد راح يبقى بحياتج وتخسرين
باوعتله بعصبيه ورجعت اله دفعته وصرخت
_جبانه اني مو جبانه فاهم بعدين شتسمع مني نطقت احبك اي احبك ارتاحيت من سمعتها هسة
الغلط مني لان خليتك تتقرب مني وحبيتك اني غبيه دخلتك بحياتي افكر بيك على شنو ماتخليني انام ولا اكل ولا اقرة كل تفكيري بيك ليش شنو سبب انت الوحيد الي كدر يدخل حياتي ويشغلني ليش لان مختلفين
صوجي حجيت الك لان ماراح تفهم سمعت الكلمه بعد لا تجي ولا تشوفني ولا تحجي وياي مااااشي
دارت وجها وراحت ركضت وكفت قبلها
_وخر
_لا ......مااعوف الي احبها بحيرة ودموعها بعيونها
دنكت ورجعت رفعت راسها ودموعها على خدها
_هالوكعن دموعي ارتاحيت خليني اروح
_انتي ليش ماتفهمين اني احبج
_واحنه طريقنه مسدود
_ليش هيج متشائمه
_مو متشائمه بس هاي الحقيقه
_اني كتلج بس تقبلين اجيب اهلي واجي
_واهلي ماينطون
_اي نقنعهم بعدين مابيه شي غلط اني احبج وزين مابيه عيب واذا بيه عيب اصححه
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
