البارت 38
الجزء الثاني
#قلب_حواء
.............
ميرال
طلعت اركض وهو وراي قربت اوصل لبيت عمي ولزم زندي بقوة وجرني
_عوفني .....مااريدك عوفني
_تعاي لا تفضحينه وين رايحه هيج لبيت عمج
_فراس مااتحمل بعد طكت روحي عوفني اريد اخلص
_امشي وياي كافي العالم تباوع علينه
_شعليه بالعالم اريد اخلص منك
يحجي ويصك على سنونه بعصبيه_ميرررال امشي وياي سكته
ضل يجر بيه واني ادفع بي بس ماكدرت افلت منه لان لازمني بقوة باوعت طريق غير بيتهم
_وين مأخذني
_امشي سكته
وكفت واجر بأيدي_مااتحرك الا تكول وين مأخذني
_امشي لاختج لا تفضحينه
_ما.....يولاند راح ترجعني الك مااريد
_لا تتخبلين مانحجي الها شي بس خل اشوف السالفه واسد الموضوع ووراها عود احجي كافي فضايح
_تريد محد يعرف بسالفتك
_امشي لا اكفخج
جرني بقوة اجر تكسي وصعدنه
دقائق ووصلنه لبيت فارس نزلنه وضال لازمني اخاف اشرد
_عوف ايدي
_اسكتي مخبل اعوفها حتى هسة تركضين
دك الباب وهو لازم ايدي طلعت النه يولاند بملابس الدوام توها راجعه
يولاند_سمعت صوت فراس فتحت الباب باوعت لازم ميرال وشكلهم مبهذل
فراس كفشه ولابس البدي مكلوب وميرال تبجي ومبهذله بملابس المدرسه
_شكو شبيكم
_يولاند خليها يمج عندي موضوع اخلصه واجي اتفاهم وياها
_ميرال شنو متعاركه بالمدرسه
فراس_لا بس شغله طلعت الي بس احلها تعرفين ....وهاي الخبله بقيها يمج ترة مو بعقلها
_شنو تخبلت مو بعقلي شايفني اكتل بروحي
_بس هاي بقت ماسويتيها ابقي هنا واسكتي
طببني جوة وراح
يولاند_سنو شبيكم
_مااريده
_ليش شكو هو لعب
_اصلا زواجي غلط اني صوجي ضحيت وقبلت
_هو شكو غير اعرف
_اني مااريده
_ليييش
_هاملني واريج تتقرب منه وهو ساكت مايردها ومايتحمل مني حجايه
_وهذا مو سبب حتى تكولين مااريده اكعدي ويا تفاهمي احجي
_تعبت اني
_شتعبتي شو لحد ماطلعت من البيت ماكو زعل بينكم بيوم وليله تصير مشاكل بينكم
لعد هاي كدامج عمر كامل كل مايصير زعل ومشكله تكولين مااريده
_اني مااتحمل عمر كامل هيج اضل خل اختصر حياتي ونطلك
_انجبي لا تخليني اضربج شتحجين انتي
_بقت عليج اضربي
_ليش ضربج
_اريد انام تعبت
_غير تحجين حتى افهم
_بعدين والله تعبانه مابيه حيل احجي
_اوووف كومي نامي
كمت للغرفه فرشت فراش ونمت
_تنامين بملابس المدرسه
_اي
_كومي انطيج من ملابسي
_مااريد..... بس اريد انام
_ماشي
طفت يولاند الضوة وطلعت.... ابقى فاتحه عيوني اذكر اريج ومنظرها اغمض عيوني اذكر الراجدي
فعلا تمنيت هالمرة مامزوجه ولا قابله بهالزواج ولا متقربه منه اريد بس ارتاح مااتحمل هيج تعب
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
