البارت 15
#قلب_حواء
"كل مايرجوه المرء في نهاية المطاف، ألا يأتي يومٌ يعلم به أن ما بذل رُوحه من أجله كان سرابًا"
...........
مر تقريبا شهرين على هالحادثه الي بسببها ابتعدت من الخوف والقلق
اذكرت وكتها من شفته واكع والدم تارس وجهة والناس ملتمه عليه وتعيط
ركضت بدون ماارجع ولا افكر ادير وجهي عليه عثرت ووكعت رجعت كمت وكملت الركضه دفعت الباب بقوة
مثل شخص يقترب اله الموت ولكه النجاه بس بدخول الباب
سديت الباب بقوة وكعدت ابجي بالطرمه واشهك
طلعن البنات على صوت الباب وبلقيس واكفه مصدومه بسبب منظري
لمار_ميرال شبيج
روجينا_ليش تبجين منو وياج
بلقيس_بعد الصدمه نطقت...احجي شسويتي من بلوة وشارده منها
وكعت بحضن لمار ابجي واشهك مااكدر احجي جسمي كله يرجف
طلع علي ويولاند
علي_شبيها
بسرعه ركض مصدوم وكعدني
_شبيج منوووو وياج احد متعرضلج
_لا
يولاند_ميرال شكو احد وياج
_هو اااا
علي_احجي منوووو
لمار_على كيفك وياها خل تكوم تغسل وتشرب مي
_لج خل تحجي شصار مو وكتها تسكت
_حتى لو ماشايفها ماتكدر تحجي لان خايفه واذا نضغط عليها ماتحجي
سحبتني لمار وكومتني طبينه للبيت
غسلت وجهي وكعدت بالاستقبال والكل مقابيلي اجت روجينا وبيدها كلاص مي تطلب مني بلطف اشرب
_حبابه اشربي
اخذت الكلاص واني ارجف بللت ريكي وكدرت شوي احجي
علي_اي ميرال احجي شبيج حتى متربه شنو واكعه
_اي......اخو فرح
_يافرح
_صديقتي الي اروح اقرة يمها
_اي
_اي اخوها اسمه فؤاد
_اي اعرفه سوالج شي
_لا بس هو اندعم
_شنوووو شفتي انتي
_الحادث صار كدامي... حجيت هيج وبديت ابجي
لمار_كافي زين فقد الوعي
_اي الدم تارس وجهة وماكو فاقد منظرة يخوف ركضت ووكعت ردت بس اوصل
روجينا_سوده عليه رعبج الحادث
_علي روح شوف شصار
_اي هسة اشوف طالع....يولاند تعاي اريدج
يولاند_ها
_اكيد اكو بعد حجي بس ماتكدر تحجي افهمي هي ليش هيج خايفه ومرعوبه بسبب حادث
_ماشي
طلع علي ورجعت لميرال كومناها وحجت بلقيس
_خوفي لا عدج شي وياه شدعوة هيج متأثرة
روجينا_بلقوسه لا تحجين هيج ميرال مو هيج
_والله ماادري خوفي منجن
حجت هيج وعافتنه طبينه للغرفه جانيت كعدت تبجي شالتها يولاند
يولاند_ميرال متأكده هذا الموضوع
_ها شنو
_هو حادث بس غيرة اكو شي
_ماكدرت احجي كدام علي وبلقيس
لمار_شكو
_تذكرن ولد ابو الركن الي هو اخو فرح تعرضلي بالطريق مرة وخفت منه وشردت
وبعد ماكو ماشفته واليوم رجع هم وكف يريد يحجي وياي واني خفت منه وكتله مااريدك وضل يلح وياي لحد ماعفته بنص الطريق ومشيت من مشيت اندعم ومن شفت منظرة شردت
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
