البارت 33
#قلب_حواء
.........
لمار
كعدت الصبح ماكو ادم عرفت راح بس ماحسيت بي ولا كعدني
كمت غسلت وتوضيت صليت ودعيت اله نزلت جوة ام وفاء كاعده
_صباح الخير
_صباح النور عيوني كاعد ايوي ريوك اسويلج وياي
_لا مايصير اكعدي اني اسوي
_لا عادي
_لا خاله مايصير
_ولج خاف جبيرة اشوفيني بس بيه حيل اكعدي اني مكمله كلشي بس اسوي جاي
_ماشي......من شوكت كاعده
_ويه صلاه الفجر كعدت وماكدرت انام بس ضليت كاعده اقرة قران قبل شوي نزلت
_ادم شفتي
_اي سلم عليه وراح للواجب ربي يحفظه
_امين.....هو تريك
_لا والله ردت اريكه ماقبل شفته نزل صلى وطلع
_وفاء شلونها
_اوووف ماادري احتاريت بحالها اي احد اكله على حالتها ينقهر ويدعي الها
_بس لازم اكو علاج
_غير نحدد المرض شنو حتى العلاج
_مامعقوله احد يعرف
_الدكاترة محد عرف شبيها وجوارينه كالوا احتمال سحر بس ام ادم ماايدت الكلام واهذت الها خيرة ماطلع شي لان ماعدنه احد ضدها ويسوي هيج
_سحر.....ليش هيج اعراضه
_والله ماادري الله يسترنه
_بس خاله هاي بنتج يعني شوفي شبيها لا اضلين كلام خيرة ومن هالحجي اخذيها واسألي
_وين اخذها مااعرف احد
_زين سوي الها حجاب يمكن دايسه على شي او تابعه وصار حالتها هيج اذا تكولين دكاترة ماعرفوا
_اغلب الدكاترة كالوا حاله نفسيه وكالوا خبيث بس باعدنه هالاحتمال لان الاعراض تختلف وتحاليل نظيفه
حتى تعبت واني ماواكفه على علتها كل يوم افكر واهم بيها اريد بس حل
عمه ادم_وتردين هالجاهله تنطيج حل
لمار_فزيت من سمعت صوتها كعدت كبال ام وفاء وحجت
_بنتج بيها حاله نفسيه واحتمال بسبب الولاده وتعب على المهدئات ترجع طبيعيه
_لو بنتج ماجان حجيتي هيج وانتي مرتاحه
_لا ياعيني مو قصدي شي وحاسه بوجعج بس مابيها مرض نفسيتها تعبانه
_تعبانه تنعزل مو تهاجم اي احد وتطرد ببتها وزوجها ماتريده صح ماتأذي بس ماتريده وتهجم على الدكاترة وتحلم وتبجي وتخاف
اني كمت اخاف منها لان افوت صدفه الكاها تضحك وتحجي وحدها ومن واحد يتقرب منها تسكت وتبجي
لمار_خاله اخذيها لسيد وشوفي شبيها وسوي الها حجاب
_مااعرف احد هنا
_اني اعرف.....بكربلاء اذكر كرايب صديقتي سوت حجاب يمه ومضبوط
_اخذي عنوانه من صديقتج وكليلي
_اي اكيد
_فدوة....يارب تنحل
باوعت لعمه ادم تباوع عليه ومصدومه من تصرفي
مااهتميت الها وتريكت ويه ام وفاء وصعدت فوك لمار نايمه
تقربت منها حطيت اصابيعي قريب من وجها اشوفها تتنفس اطمنت مابيها شي غطيتها
حاجيت صديقتي شوي وردت عليه على عنوان السيد......نزلت لام وفاء بلغتها طلبت اروح وياها
_بس ادم مو هنا ومايدري
_اي من يتصل كليله واني هم اخابرة واكله
_ماشي
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
