البارت 13
#قلب_حواء
...........
روجينا
كعدت الصبح اروح للدوام ....اذكرت اليوم بنات يطلعن مظاهرات افكر اروح لو لا حبيت الفكرة بس ماعاجبني اروح اخاف
ضليت افكر لحد ماغفيت شوي ودك المنبه .......دك الباب عمو
_عمو بعدج نايمه
ضليت ساكته افكر اروح لو لا.......بعدها قررت اروح لان اضوج بالبيت واجوز مايرحون مظاهرات
_لا عمو كاعده هسة اخلص
كمت غسلت وبدلت لبست الشال وطلعت ويه عمو
وصلت للكليه طبيت بالقسم فارغ ماكو بس كم طالبه
ضليت افتر كعدت ضايجه ونعسانه تندمت لو بقيت بالبيت.....شكو اجيت اذا ماكو احد تعبت معقوله راحو للمظاهرات هيج من الصبح
اني شعليه بالمظاهرات
اديان_روجينا انتي هنا
_هلو شنو مارحتو
_لا بعدنه
_لعد شوكت
_ساعه او ساعه ونص ونطلع لان يجمعون الطلاب
_الكل يروح
_لا احنه الاغلبيه نروح بس مرحله ثانيه قليل يرحون
_شنو بيها المظاهرات حلوة
_تجنن تفرغين كل الطاقه هناك وتشجعين
_تخوف بس
_لا ابد لا اصيرين جبانه انتي مو طفله وشي حلو تغير
_عمو مايدري ولا اخواتي
_اي مو بعيد مكان قريب علينه وتتونسين بس باوعي لا تشجعين حتى شوي شوي تتعلمين
_شنو سبب المظاهرات
_جنج طفل يسأل ولازم نجاوب.....المظاهرات نطالب بحقنه
_مثل
_روجينا دخت لو ابن اختي مايسأل هلكد
_لا تحجين هيج اضوج ماسويت شي
_كافي كافي لا اضوجين احنه نروح وشوفي شلون نشجع ونطالب
_افكر
_بشنو تفكرين مادام بالبدايه نكدر نطلع ومحد يعاقبنه
_يعني امان
_اي محد يكدر النه
_بس اضل وياج لان اخاف
_اطمني وياي
.........
لمار
بيبي_اكعدي ولج
_ها بيبي شكو
_كومي نتريك سوة
_اي هسة
_كومي ولج
_كمت يله
صرخت بيبي_كومي اضوج وحدي وجدج نايم
رفعت راسي الها_فديت الاشكر الي يضوج ادللي كايمه
كمت غسلت وسويت الريوك وياها وكعدنه سوة نتريك كعد علوش وجدو غسلوا وكعدوا ويانه
بيبي_خلصي حتى نبدل ونطلع
_وين نروح
_لبيت خالج
_شنسوي ماكو احد هناك
_لا يمكن لانا تجيهم اليوم
باوعت على علوش بسرعه رفع راسه ويباوع لبيبي
_بيبي لو موجوده جان اجت الج بس اجوز ماتجي اليوم لاهلها
_لا زكريا ما يخليها تجي يكول رسلان مايقبل تطلع
_حقنه هالرسلان
_اي
علوش كام بسرعه
بيبي_وين
_الحمد لله خلصت
_كومي صبيله جاي
_لا مااريد طالع شوي
اندكت الباب.....راد يكوم جدو بس حجه علوش
_ابقى جدو اني اشوف
طلعت اشوف منو فتحت الباب بسرعه....وصارت بوجهي متغيرة حيل عيونها ذبلانه حتى مامهتمه بنفسها شافتني فزت ورجعت ورة
ضليت اباوع عليها مااعرف شنو احجي .....تقدمت احجي وياها ونزل من السيارة رسلان
_مرحبا.....علي صح
_اي
باوع على لانا بعصبيه ورجع حجه
_طبي جوة مو ردتي بيبيتج
طبت لانا تركض
_ياريت ماطول كعدتك بوجود زوجتي
_شتقصد حاجيني بأسلوب عدل
_على العموم بلغها اخذها العصر
حجه ومشه ليش حاقد عليه رجعت طبيت جوة
بيبي_شلونج حبيبتي
_بيبي لا تكولين شلونج لان مااعرف شنو اجاوب
_وينه رسلان
_جان يحجي....رفعت راسي وشفت علي واكف رجعت حجيت.....راح بيبي وصلني وراح
_شعجب جابج هنا مو مايقبل بس بيت اهلج
_اني قنعته اجي الج لان مشتاقتلج توسلت يله قبل اهلي اشوفهم غير مرة
_تباتين يمي
_مااعتقد
_ليش
_ماادري انسي.....لمار شلونج
_الحمد لله ....متغيرة هواي
_ههه اني مرات انصدم من التغير
جدو_جهزي ملابس مادام احبابي مجتمعين اروح اسوك الهم
لمار_لا جدو تتعب
_لا افرح مو اتعب
لمار_اروح وياك
_اي تعالي......يله بدلي بسرعه تتأخرين اعوفج
_لا بسرعه
أنت تقرأ
قلب حواء
Любовные романыانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
