البارت 21
#قلب_حواء
........
روجينا
_عمو شفت هذا دارسين
باوعلي بأستغراب وحجه_دارسين
_هذا ادريس
_اي ابن عمج....شبي سوالج شي
_لااا شحده اكوتله.... بس شكله معقد
_ههههه نطرده من البيت
_اي
_وبعد منو نطرد
_بلقوسه اقصد ام ادهم
_هههه ادري بدلعج الها بس ليش نطردها
_لان ادافع لدارسين وادلل بي
_ههههههه
_عمو ليش تضحك
_سوالفج حلوة ولا تكبرين
_صدك احجي نطردهم
_لا مايصير وهو ابن عمج مثل اخوج
_شوكت يرجع يسافر
_شغلته مطوله
_معقد حيل معقد مااتحمل هيج اني لازم انحبس بالغرفه
_شتردين منه هو يطلع قابل يضل بالبيت
_اي خاف مرات نحتاج دارسين
_ههههه ليش تسمي دارسين
_لان حروف اسمه تشبه حروف دارسين بس حرف النون زايد
_لا تقلدين على اسمه عيب لان اكبر منج
_لا مايدري اقلد عليه بس انت ولمار
_صدك وين لمار
_كاعده بالغرفه
_خاف تتخربط شوفيها
_لا تخابر بميرال
_ها......شلونهن اليوم البنات ماخابرتهن اليوم ماجان عندي وكت
_لا زينات اطمن
_ميرال زينه ادري بيها ماتحجي الي لان تستحي
_لا عمو اطمن زينه ويولاند يمها
_الحمد لله
احجي ويه عمي وطب ادريس بسرعه كمت وفتت من يمه بسرعه
رحت كعدت يم لمار لكيتها صافنه اشرت الها بأيدي يله انتبهت
_ها هاي انتي شوكت اجيتي
_توني شبيج
_مابيه راح انام
_اخذتي علاجج
_لا
_ليش اخذي
_مااريد مااحس تعبانه باجر الصبح اخذة
_اكيد خاف اتعبين
_لا مااتعب
مددت راحت روجينا ورجعت بيدها كلاص مي وعلاجي وماعون بيه تمر خلته على الطبله قريب مني
_خاف تكعدين بليل او ترجفين اخذي علاج واكلي تمر
_حبيبتي اطمني ماكو شي......نامي انتي
درت وجهي بجيت ونمت
.......
ميرال
ام فارس_ولج صيحي فراس
_ماادري
_شنو ماتدرين
_ماادري بي وين
_فوك ماشفته نزل وطلع اصعدي صيحي
_ماشفته فوك
_لا تعاندين واصعدي يله
_بس اني جنت فوك ماكو احد
_ادري بي فوك صيحي
اريج_عمه اصيحه اني
ميرال_شنو ليش
_ابن عمي مابيها شي
ام فارس_اي حبيبتي اصعدي انتي شوفي
_لا
_ولج شنو لا شعليج
_كلت ماكو فوك
_اي عوفي البت تصعد تكعده
يولاند_بسرعه اجيت ولزمت ايد ميرال وحجيت.....ميرال اصعدي شوفي رجلج
_بس
_اصعددي
_اي.....صاعده
ام فارس_شلون اني بهالفصليه
اريج_الله يساعدج عمه ويساعد فراس
ميرال_سمعتها درت وجهي عليها ويولاند بسرعه حطت ايدها على حلكي ودارت وجهي وجرتني
_اش عوفيها
_لج خليني ارجع اسحلها
_ولج......البسيها شعليج بيها وليش تعاندين ماتصعدين
_اي غير وصاني اي احد يسألني مااكول وينه وخاتل فوك
_شنو مطلوب عشائرياً
_اتوقع شارد من وحده منهن ويمكن اريج
_لا اضلين تصنعين قصص براسج اصعدي شوفي وعيب تتعاركين ويه وحده منهن لان ضيوف
_عاد الضيف يحترم
_اي لا تلاطشين وياهن عوفيهن
_حاليا احس جسمي نار لان مارديت عليها
_ميرال عصبيتج هالفترة خففي منها ولسانج هم لا اضلين على كل كلمه تتعاركين عيب
_اني هم صوجي اضمضم اله خل اصعد اتعارك واعلمه شلون يختل
_ولج تعالي
عفت يولاند وصعدت وهي تعيط عليه
طبيت للغرفه لكيته كاعد يلعب بالمبايل
_اي كمل وخابر واني جوة اترزل
_شكو
_امك سألت عليك وكالت ادري بي فوك صعدي شوفي ورادت هاي اريج تصعد الك تشوفك واني ماقبلت
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
