البارت 24
#قلب_حواء
.........
علي
_جدو .....لانا راح تطلع من المستشفى بس مااريد احد يأذيها....واذا موضوع رسلان تطلك منه
زكريا_الطلاك صعب عدنه
_صعب بس مو مستحيل خالو شنو تنتظر لانا تموت لو ترجع الك معوقه
_كلام علي صح لازم تطلك من رسلان مااريد حفيدتي تتأذى بسبب قراراتنه
_بنتي واني اعرف مصلحتها
_لاااا انت ماتعرف مصلحتها....لانا تطلع وتبقى ببيت جدي اذا تريد تعال شوفها بس مااقبل تأخذها او تأذيها
حجه هالكلام جدي وطب لغرفه لانا رحت وراه لزمني خالي من ايدي بقوة
_شوف علي اذا ابالك زواج من لانا تحلم فاهم
_اطمن خالي اني مو هيج اناني حتى اخرب حياتها واضحك عليها
بس اريد اعرف هي بنتك لو عدوتك انطيتها لواحد ماتعرفه شنو بس علمود الفلوس وبالاخير هذا الصار بيها
_لا الغلط منها الناس زينين وياها بس بسببك تمشي وتحجي بيك خربت بنتي ولعبت بعقلها
_لو خربتها ولعبت بعقلها ماجان بقيتها وشردت بيها بس اني مااخونك واسوي هيج
صح انت خالي واجيت وطلبت منك ورفضتني وماسمعت مني ولا انطيتني فرصه ودمرت حياتي بس اني مااصير مثلك ولا راح اصير
_لا تتعدى حدودك
_ماتعديت بس اذا تجبر لانا هالمرة مااسكت وابقى بعيد ادخل وانسى انت خالي واعرف اتصرف
رفع ايده يضربني لزمت ايده_كلمه الحق ماتنكال واذا احد حجه الحق ينضرب حتى يسكت
_راح اسكت هالمرة لخاطر امك بس اذا ادخلت مااخليك تكمل فاهم
_شكرا خالي ماتقصر ادري بيك
عفته ورحت يم لانا كاعده تحجي ويه جدي
_علوش تعال مااصدك بيه تكول مااطلعوني من المستشفى
_لا نطلعج اليوم
_اعرف علي مايجذب عليه
جدي_ها واني اجذب
_لا جدو بس مرات ماتحجي حتى لا اضوج
_اي.....وين زكريا
علي_راح يحجي ويه الدكتور
_اي صح ردت احجي وياه ....اروح اشوفه
_اجي وياك
_لا لا ابقى
طلع جدي وبقيت واكف بمكاني وبعيد حجت
_تعال ليش ضال واكف
_اي
كعدت على الكرسي مقابيلها
_شلونك
_الحمد لله
_وبالفترة القبلها شلونك
_اي فترة
_من صار الحادث....احجي الصدك
_جنت مو زين وتعبان....بس هسة لا مرتاح
_هم بعدك تذكر من بقيت يمكم
_ماناسي حتى اذكر
_ليش ماناسي
_لان احلى ايام بحياتي وبقن ذكرى وبس
_وبس
_لانا وين تردين توصلين
_مااوصل كل مااوصل ارجع لنفس النقطه البدايه كل مااتقرب الك تبتعد وتحسسني غريبه
_انتي مو غريبه.....بت خالي
_بس بالنسبه الك غريبه من طفله تكرهني ومن كبرت ماشفتني
التقيت بيك كم مرة تقربت منك بكم يوم وبعدها ابتعدت
وبالاخير انسحبت ورجعتني لنفس النقطه تكرهني وماتريدني
_اني مااكرهج
_وماتحبني ....مجرد تشفق عليه
_منين طلعتي بهالحجي ماكو هيج شي
_انت تحس الصار كله بسببك وتشفق عليه وتنقهر وتقدم مساعده حتى تخفف من ذنبك
_لا ماكو هيج شي هاي تخيلات عقلج وافكارج ابد مافكرت اشفق عليج
_بالوكت الي احتاجيتك بي ومافكرت بأحد يساعدني بس انت اجيت ابالي وانت وينك ماكو
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
