البارت 20
#قلب_حواء
.........
روجينا
صار وكت العشه ورحت اصيح لمار....طبيت للغرفه لكيتها نايمه
حركت بيها حتى تكعد ماكو اي حركه زدت بحركتي وماكو هزيتها وماتتحرك .....ركضت لعمو اعيط وخايفه
_عمو....عموووو تعال
طلع عمو من الغرفه واجه
_شكو
_عمو ...لمار
_احجي
_ماتكعد
_شنو
عافني وراح بسرعه للمار....طب كعدها ماكو صاح
_جيبو كلااااص مي
ركضت جبت كلاص مي بلقيس وهدير واكفات بالغرفه يباوعن
انطيت الكلاص لعمو ورش عليها شوي....فزت ترجف
_لمار شبيج
_عمو ماادري
_روجينا جيبي الي عبايه بسرعه
ركضت جبت العبايه اله اخذها ولفها على لمار وشالها لان ماتكدر تتحرك
_عمو اروح وياك
_لا ابقي هنا ...بلقيس يله بسرعه
_عمو فدوة اروح وياك اشوفها
_ماكو شي اطمني واني بس اوصل اخابرج واطمنج
قفلن البيبان ولا تفتحن لاي احد لان اني عندي مفتاح ماشي
_اي
اخذها عمو سدينه الباب كعدت ابجي حجت هدير
_ترة ماماتت مو شفتيها كعدت كدامج
_لج بت عمج ماتنقهرين عليها
_والله انقهر على حالي وبس
_عفتها وكعدت بالغرفه
فترة وخابر عمو طمني ماكو شي وسكتت
...........
يولاند
كاعدين نحضر بالعشه وبلحظه حسيت وجع بكلبي
ضليت لازمه كلبي اجت ميرال تحجي وياي
_شبيج
_ماكو شي
_اكيد
_اي.....اخلص عشه حتى اخابر البنات اطمن عليهن
_خابرتهن العصر ماكو شي
_حتى لو اخابر يله
_ماشي
حطينه الاكل الهم وماكدرنه اني وميرال نأكل
ابو فارس_حتى لو اكعدن مايصير
اشرت لميرال وكعدنه بدون مانأكل وانتبهت للكل محد يأكل قليل المهم وجبه وتخلص
خلصنه العشه ميرال غسلت الاماعين الولد طلعوا ويه ابوهم يكعدون ويه جماعته سوالف ومن هالحجي ينسي همه
فرح صعدت وام فارس ضاله كاعده خلصنه الشغل وصعدنه فوك
جانيت نايمه ...اتصلت على لمار مغلق رجعت اتصلت على روجينا
_هلو يولاند
_هلو حبيبتي...شبيه صوتج
_مابيه شي ليش
_لا هيج.....وين لمار
_نايمه
_ليش مبايلها مغلق
_مخلص شحن يمكن والشاحنه ضاعت
_شخباركم
_الحمد لله
_شكو ماكو
_ماكو شي
_روجينا شنو هالجمود هذا صاير شي
_لا كلشي ماكو انتي شخبارج ميرال شلونها
_مو خابرت العصر
_اي صح جنت توني كاعده من النوم نسيت
_اها
ضليت احجي وياها بس ماكو شي وسديته منها كعدت رتبت الغرفه والكنتور طفت الكهرباء
كل الاضويه هندس صار .....اريد اندل المبايل وين ماكو ولا ضوة خفيف حتى اشوفه
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
