البارت 35
#قلب_حواء
.............
لمار
طبيت لبيت اهله امه كاعده بسرعه استقبلتني ورحبت بيه ....فرحت بشوفتي وضلت تباوع وراي حجيت
_ادم راح يمكن بليل يجي اذا صار مجال
_ليش شكو وهالجنطه شنو
_احتمال اطول كعدتنه
_تعاي احجيلي شصاير
كعدت حجيت لامه على كلشي كامت تبجي وتدعي
_سوده عليه ادم ضال يركض منا ومنا لا بشغله مرتاح ولا ببيته مرتاح ...الله يشافيها
_امين
_ كومي اوديج لغرفه ادم ارتاحي وبدلي ورتبي ملابسج
_اي
رحت للغرفه ولمار ضلت يم بيبيتها بدلت ورتبت الملابس ونظفت الغرفه
طلعت وضليت كاعده يم ام ادم اما ابو ماشفته ضال بالغرفه
.............
روجينا
كاعده بالغرفه وحدي قسور ابد مااتصل ولا دز شي.......صاحني عمو رحت اشوفه كاعدين الكل مجتمعين وجانت اسماء جايه الهم حتى علوش كاعد صاحني علوش كعدت يمه باس راسي
عمو_نفكر بالموضوع اكثر منج
_ياموضوع
_الضابط
بسرعه دنكت حجت بلقيس
_بس هاي تعرفها ادنك ومااجاوب
علوش_وهذا احلى شي بيها الخجل .....شنو مرة عمي تعجبج البنيه الماتستحي
_لا مو تعجبني بس خل يكون شويه خجل ووكاحه
_لا بنيتنه ماعدها هيج مو صح روجينا
روجينا_باوعت على علوش وابتسمت رديت عليه....حجيك كلام علوش
_هههههه
ضلينه كاعدين وشوي اجه جدو وبيبي سلم علينه وحجه
_حجيتوا بالموضوع قبلنه
علوش_لا بعدنه ننتظركم
نحجي وطبت لانا لابسه حجاب كلنه ضلينه صافنين سلمت علينه وضالين نباوع عليها باوعت على علوش صافن ويحاول يخفي ابتسامته
هي حلوة والحجاب زادها جمال اكثر ضل علوش يباوع عليها وهي مستحيه
كعدت يم بيبي بسرعه بيبي حجت
_عدنه عروستين خل نزوج الاولى وبعدين نشوف الثانيه
روجينا_منو عروستين
_انتي ولانا
اني ولانا بسرعه دنكنه خجل ونضحك
جدو_اي شلونه الضابط سولفلي عليه
كعد عمي يحجي اله عن قسور ويمدح بي لحد ماوصل الي باوعلي جدو
_ولج ليش ماعاجبج بيه مشكله
_جدووو
_يا جدو.....اذا اكو غيرة احجي نشوفه
_لا هو قميص قابل
_يعني بس هالضابط
_اي
_قابله بي
_ماادري
_شنو محتارة
_اي
_ليش
_هم ماادري
_ياجدو ياحبيبي انتي ليش محتارة مابيها عيب اذا قابله بي كولي اي واذا ماقابله وتحسين مجبورة كولي لا
_اني قابله بي بس مااريد اتزوج
بيبي_ليش ولج ماتردين اذا اكو شي احجي
_ماتفهموني
علوش_فهمينه نفهم ونشوف حل
_لان ماما وبابا ازوجو وماتوا
عمو_شعليها هاي
_اني اخاف يوم اموت اني ويضل هو ويتأذى لو يوم هو يصير بي شي واني اتأذى وتخرب حياتنه ونعوف ورانه عائله مانهتم بيها
علوش_روجينا من كل عقلج هيج تفكرين ليش تربطين حياتج بأهلي كلمن اله حياته وقدرة مكتوب
ماكو تشابه بشي وهذا تفكيرج حرام انتي اصومين واصلين وتخافين ربج وتعرفين كلشي من تدبير رب العالمين
جدو_كلام علوش مابي غلط وصحيح وانتي غلط تربطين حياتج بأهلج
_لعد ليش ماما وبابا ماتوا وعافونه
علوش_الله يحبهم وهذا مكتوب واول وتالي كلنه نموت بس كل شخص بالوقت المناسب
عمو_وانتي شمدريج شكد تعيشيين اجوز اكثر من عدنه كلنه وانتي هسة تخافين بس ماتدرين الله شكد كاتب الج
بيبي_وهاي اخواتج كلهن ازوجن وعايشات حياتهن
جدو_يعني انتي موافقه على الولد بس هالسبب مانعج
_هزيت راسي بمعنى اي
_حتى تفكيرها يختلف تركيبه عجيبه روجينا
عمو_عادي خوفها ....هي تفكر للمستقبل البعيد
علوش_هسة شنجاوب الضابط
باوع عليه علوش ضحكت بوجهة ورديت
_اي
عمو_فكري
_فكرت
جدو_جواب نهائي
_وصحيح هم
علوش_ههههه عمي انطي خبر لقسور
_ان شاء الله
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
