البارت 36
#قلب_حواء
.............
لمار
بعد ماسمعت كلام ادم وماكدر يكمل كلامه حسيته اختنك صارت كبالي لمار الصغيرة اباوعلها شلون نايمه بهدوء وراحه بس ماتدري امها راحت
وكع المبايل من ايدي ماكدرت اسيطر على نفسي ووكعت ركضن عليه البنات لزمني
يولاند_لماااار شبيج شبي ادم
ميرال_لج شكو مو خابرج شبي
روجينا_فدوة لمار ردي شكو
_ادم... ضليت اصرخ وابجي
يولاند_راح اكفخج والله احجي
روجينا_لج عوفيها ماتكدر تحجي
ميرال_خليها تبجي يله تحجي تعرفيها ماتكدر تحجي بهالوضع
ضل كاعدات ويباوعن عليه خايفات واني مااكدر احجي احس احد خانكني وغصه ببلعومي كوة كدرت اجمع كم كلمه واحجي
_وفاء.....مم ماتت حجيت هيج وبديت اصرخ
يولاند_ام لمار مو
_اي
_لا حول ولا قوة الا بالله اليوم ماتت
_اي
ميرال_ادم خابرج
_اي اسمع عياط امها واخوها فهموني هالطفله من تسأل امها وين شجاوب دائما تكول شوكت نروح لماما واني اتحجج واجذب عليها على امل اطيب وترجع وهسة شلون
روجينا_هالبنيه صارت مثلنه لمار لا تعوفيها يم وحده مثل بلقيس انتي تحبيها ضلي وياها
_عمه ادم هسة ترتاح تريد بس تشوف ادم متعذب خل ترتاح هسة
ميرال_شدخلها بموت وفاء
_هي تريد تشوف حياه ادم هيج يبجي ويفقد الناس الي بحياته ويتعذب ومايبقاله احد
_ادم يدري
_لا
_ليش ماتحجين اله
_شحجي اله الي ربته وهو عمرة يوم ويعتبرها امه وعلمته وكبرته ويحبها تردين اصدم عمرة بهالحجي ضربه القلب توجع مااكدر هيج اأذيه
روجينا_لعد شلون وهي تريد تأذي
_اني يمه مااخليها تأذي ومااعوفه وابعده عنها بس مااريد اكول اله واصدمه راح يتأذى ويكرها ومايوثق بأحد واني مااريد هيج يصير
يولاند_راح تكولين لعمي على وفاء
_ياريت الكلام يصير بيناتنه مااريد احد يعرف
_تخبلتي لمار لشوكت اضلين هيج شكد صار بحياتج وماتخلين احد يدري
_اي حياتي اني ليش ادخل احد بيها
_لان ادري بيج تردين ادم رغم اغلاطه تردينه وماتكدرين تعوفي بس حجي وتعرفين اذا عمي وعلي يعرفون راح يبعدوج عنه لان محد يقبل هيج
_انتي ليش ضده هو غلط مرة وحده
_مو ضده بس ضد كلامج لان ماتكولين لاحد
_كلت الجن ماكو داعي اكول لاي احد
ميرال_انتي حجيتي النه لان تدرين مانحجي لاحد ونوكف وياج
_وهذا الشي كافي انتن خواتي احجي الجن واشكي واخفف همي مااحتاج احد
روجينا_وعلوش
_علوش كافي عليه التعب والشغل وشلون جان ويانه قبل الزواج مايقبل احد يسمعنه حجايه يشتري النه قبل لا يشتري لروحه يشوفنه اكلنه يله هو يأكل مااريد اتعبه بعد بحياتي واني مزوجه كافي خل يشوف حياته ويزوج ليش بسببنه ضال هيج
ميرال_صحيح كلامج هسة شراح تسوين
_ماادري ......تدرون حتى ماجنت اعرف وفاء شنو طبعها او هي شنو ماجنت اعرفها ولا حجيت وياها بنيه شابه مريضه وتبهذلت
روجينا_صح هي مو طلع مسويلها سحر وتعالجت
_اي بس مااعرف رجع العلاج انكلب عليها
ميرال_اجوز عمه ادم رجعت سوت سحر
_اي بس ماتأكل ولا تشرب شي بس من امها
_اجوز بدون مااحد يدري وغيرته كلشي اتوقعي منها
_بس يوصل بيها تموت وحده
روجينا_معقوله هيج شريرة
يولاند_اكيد اذا ابن اخوها ربته وكبرته وماحبته وتريد تأذي تردين مرته ماتأذيها
لمار_لازم اتأكد
يولاند_انجبي لا تتأكدين ولا شي انوب تموتج انتي اخذي ادم وروحوا غير مكان اله يم عمته
روجينا_اي كلام يولاند صحيح تأذين نفسج وادم ليش اذا تدرين بيها تأذي اشردوا منها
ميرال_كافي عوفن الموضوع بعدين ينحل كومي غسلي
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
