البارت 37
#قلب_حواء
..........
سنه 2017
لمار
يمكن سنه 2016 جان بيها اشهر تعيسه بحياتي ومليانه هموم بس مو مثل 2017
ارجع لليوم الي خابرت بي ادم وبجيت لان مايقبل يجي يأخذني وراح يزور قبر وفاء وثاني اليوم الصبح
👇🏻
لمار
كعدت الصبح لكيت ادم متصل عليه جان مبايل صامت
اتصلت عليه رد
_صباح الخير
_صباح النور لكيتك متصل عليه جان صامت
_اي حتى اجي اخذج
_اليوم تجي اكيد
_اي اذا تردين ابقي
_لا لا اريد اجي خبصتك حتى اجي
_ماشي تحضري
سديته منه وكعدت لميت الملابس كعدت روجينا كوة
_عوفيني نعسانه
_كومي ليش تتعلمين اسهرين
_مو اني والله قسور نام يله سديت المبايل
_بس شوفيني اروح بعد شوي وارجعي نام
فزيت_لا تروحين ليش
_اي هم يله اروح وادم وحده مااكدر اعوفه
_اففف اوكي
ضليت كاعده ويه روجينا خلصت تحضرت دك ادم وكال اطلعي سلمت على روجينا شلت لمار وطلعت علوش جان كاعد
_ها وين شارده
_راح ارجع للبيت اجه ادم
_برة ليش مايطب
_لا غير مرة
باوع على لمار نايمه بحضني حجه
_هالطفله تبهذلت وياج امها شنو وضعها
_مو متعوده عليه واني احبها
_انتي بيج شي
_لا شبيه
_ماادري
_اطمن علوش مادام انت موجود مابيه شي
_ان شاء الله
طلعت وطلع علوش وياي حتى يسلم على ادم باوعت ادم واكف برة تقرب سلم على علوش
ضلوا يحجون شويه وعلوش يريده يطب
_ان شاء الله غير مرة واعذرني من الصبح جاي وزعجتكم غير مرة اجي بوقت مناسب واتفضل
_لا تكول هيج تعتبر من العائله باي وقت تشرفنه
_الله يسلمك
_متأكدين مابيكم شي
لمار_علوش ماكو شي اطمن لا اضل تفكر
_اتمنى كلامج صح
_لا صح ولو اكو شي جان كلتلك
_ماشي
سلمنه على علوش وصعدنه بالسيارة اخء لمار من حضني وباسها فزت وعاطت
_بابا
ضلت حاضنته وتبوس بي
ماحجيت ويا لان جان مبين عليه التعب ضليت ساكته
وصلنه للبيت باوعتله
_ليش مو بيت اهلك
_امي هنا رجعت مااكدر اعوفها وحدها
عفته ونزلت ضليت واكفه بالباب لحد مااجه فتح الباب وطبينه
عمته نايمه والبيت هدوء وهوسه ضلت لمار تفتر وتلعب ويه ادم
صعدت الغراض ونزلت عزلت البيت سويت ريوك النه وكعدنه سوة
_وين ماما
هالسؤال خلانه صافنين واحد بوجه الثاني طفله تسأل عن امها شنو الجواب بهالوضع
اذكر اخر مرة سألنه بابا نفس السؤال وين ماما اذكرت جوابه ورديت على للمار نفس الجواب
_حبيبتي ماما مسافرة تجيب هدايا وحلويات
_ونتله
_اي نستله بس لا تسوين وكاحه اذا سويتي وكاحه ماتشتري الج بس اذا صرتي حبابه تشتري نستله وحلويات هواي
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
