البارت 11
#قلب_حواء
........
مر اسبوع على خطوبه يولاند
فارس_يمه شوكت ترحين
_شلون اروح وابوك مايدري
_انتي بس روحي ونسمع موافقه من البنيه واهلها نحجي ويه ابوي
_فارس لا تورطني
_لا مابيها شي روحي وشوفي لخاطر ابنج
_ماشي اليوم العصر اروح واشوف
_فديت الحجيه الحلوة
_هههههه
للعصر راحت امي وصلتها وضليت انتظر
بلقيس_يولاند شوفي الباب
ميرال_وليش تطلع يولاند انتي الجبيرة اطلعي
_ماالج شغل انتي يله روحي شوفي الباب
لمار_اني اروح
عفتهن يتعاركن ورحت فتحت الباب
_تفضلي خاله
_امج موجوده
_امي......تفضلي خاله هسة اصيحها الج
رحت لبلقيس
_ها منو
_مرة تريدج
_تريدني فوتيها للاستقبال .....يولاند حضري عصير الها
رحت طببت المرة للاستقبال ....طبت بلقيس تسلم
_بيت منو ماعرفتج
_بيت ابو فارس الي وراكم
_هاااا اي اي ابو فارس شلونه الولد شلونهم
_الحمد لله بخير
يولاند_تعاي لمار منو هنا
_ماادري بس طبت بلقيس طلعت فوتي
_اي
طبيت سلمت وقدمت العصير ....حجت المرة
_ذني بناتج
_لا لا بنات حماي الله يرحمه وبعد ما مات تكفل ابو ادهم واخذهن
_الله يرحمه ماشاء الله حلوات
_اي
باوعت لبلقيس تنطيني نظرة حاقده وكانوا تكول اطلعي ....بس بقيت كاعده
_اني جايه بطلب الج
_اي تفضلي
_عدكم وحده اسمها يولاند
بسرعه باوعت الي وكالت
_شمسويه
_لا البنيه مامسويه شي
يولاند_خاله اني يولاند
_اها انتي .......اني جايه اخطبج لابني
بلقيس_شلون اطلبين هيج طلب ياعيني مايصير
_ليش
_وبعدين منين تعرفيها
_مو اني ابني شافها من قبل ورادها واني اجيت على طلبه
_ولج منو هذا الشافج
يولاند_منا المرة عيب
_واحنه ماعدنه بنات للزواج
_ليش اذا البنيه قابله شنو الغلط
_لا البنيه مخطوبه لابني
_شنو....انتي مخطوبه
_اي خاله
_والحلقه وينها
باوعت بلقيس على ايدي وتحجي وصاكه على سنونها
_وين حلقتج
_خاله اني بالبيت وايدي تتأذى من الحلقه مو ضروري البسها
_الله يهنيج اني ماادري مخطوبه اعذرينه عيني
_لا ماصار شي عيوني
ترخصت المرة وطلعت ......بس طلعت لزمتني بلقيس
_هذا منو الشايفج
_ايدي
_احجي ولج منووووو هذا
_خوش حجه لكيتيها حتى تعيطين
_انجبي واحجي وشايفج انوب الله اعلم شنو بينكم
_لا تغلطين ساكته لحد الان لان جبيرة واحترم كبرج
طبن البنات على العياط
اسماء_يمه شبيج
_لحد تدخل شنو تسوين اذا مو جبيرة
_جان سديت حلكج من زمان
_طايحه حظ اني الصوج مني ورطت ابني ويه وحده كح...
دفعتهت وعطت
_انتي شلوووووون تحجين هيج وياي منو شايفه نفسج خبيثه
_ولج منووووو خبيثه
بسرعه ركضت عليه ولزمنها البنات
_خلوني اربيها بت جانيت
_لا تذكرين اسم امي على لسانج
_واذكره واغلط هم عليها
_طبعا اتوقع كلشي من وحده مثلج
ميرال_لا تحجين على امي
روجينا_تبجي كافي اسكتوا
بلقيس_الله يأخذجن واخلص الله من اخذ اهلجن مااخذجن وياهم
اسماء_يمه حرام عليج هالحجي
_حرمت عيشتج
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
