قلب حواء

البارت الثاني

البارت الثاني

#قلب_حواء

.......

فزيت على صوت امي وهي اطبطب على كتفي وتأشرلي بعيونها على ابني الي جانت شايلته الممرضه

حضنتني وباست ايدي سحبت ايدي منها ودنكت بست راسها وايدها

حجت والغصه بصوتها
_شنو راح تسمي

_علي

_الله يحفظه الكم ويتربى بعزك

_يمه صار عندي ٣ اطفال بسرعه الاسنين تمر الي جان طفل هسة كبر وصار صاحب عائله وبيت

_اي اي يروح امك ......تمنيت ابوك عايش يشوف خلفتك ....تدري بيه جان يتمنى يشوف خلفتك ويفرح بيك

_الله يرحمه واني جنت اتمنى يشوف احفاده مني بس مامكتوب

_الله يرحمه .....يله روح شوف مرتك شلونها واني اروح اشوف علي

_ماشي

.....

كل هالذكريات تبقى ناقصه دائما اشوف طيف حلو يمر بحياتي وهالطيف اطفالي

كل مااشوف احد منهم اذكر قصه حبي ويه جانيت شلون ضحيت وحاربت حتى بس ازوجها وتصير حلالي

وهي دافعت عني وضحت لخاطر تصير وياي كل مااشوف اطفالي اكول من يكبرون اكول الهم على قصه حبي كل يوم احجي الهم هالقصه وكانوا اول مرة احجيها

حتى يعرفون الحب ويختارون صح

_جانيت احبج

_ههههه ماتمل من هالكلمه دائما تكولها حتى واني بهالحاله شكلي مايساعد للحب

_واضل اكولها مادام اني عايش ........شفتي اجانه ولد يشبه امه بالضبط نفس البراءة والجمال

_اكيد بيه حنيه ابوه وشجاعته

_شكد ماتخلفين الي اكول اول مرة ماامل منج ابد ولا من اي شي يجي منج

_ههههه لحد الان مااعرف ارد على كلامك الحلو

_هههههه

_شنو سميته

_علي

_حلو هالاسم تدري جان على بالي ونسيت اكلك بس انت نفس احساسي مااحتاج اكول الك

_تذكرين وكت اعترفت الج ورفضتيني

_ههههه ايام حلوة جانت

_لا وتحبيني وساكته

_هههه وردت اضل ساكته لوما قربك

_وتحرميني منج

_اي بسبب الظروف

_بس مامنعتني الظروف واخذتج

_لا منعتك بس انت غيرت طريقتك

_لان ماقدروا مشاعر احد بينه

_الله يسامحهم

_اي عوفج من الموضوع خل اجيب الج علي شوفيه