البارت 16
#قلب_حواء
...........
مصدومه بالصار الناس واكفه وتحاسب على ادهم اباوع فؤاد واكع ومايتحرك احس الحادث انعاد بس هالمرة ماكو فؤاد مايتنفس مات
ادهم باوع عليه الرعب مبين بمعاني وجهة مايعرف شيسوي يمشي ويوكع حركته مو منتظمه ضل يدافع بالناس وركض شرد
واكفه ناس تباوع عليه....اجه واحد شاف الناس ملتمه وصاح
_فؤاد ولكم هذا فؤاد شبيه
ضلوا الناس يحجون اله اجت الشرطه والاسعاف ماكدرت ابقى انسحبت ورحت للبيت وصلت للباب ادك بيه بقوة
_افتحوووو الباب وينكم
طلعت اسماء شايله جانيت
_شبيج ميرال شكو
_وين عمي
_بعده ماجاي
_خابري حبابه
_شكو شبيج تعاي طبي
تلكتني بلقيس
_ها ولج شسويتي من مصيبه
_خابري عمي حبابه
_هسة على جيه شبيج تبجين شصار
عفتها وطبيت ماكدرت احجي شنو اسوي ...كعدت هادئه ماسويت اي حركه ولا رده فعل بلقيس تحجي وتغلط واني ساكته بس دموعي تتحرك وتوكع
ضليت انتظر وبلقيس كبالي
_ولج حاجيني شسويتي من مصيبه احد تحرش بيج والناس شافتكم
هدير_الله اعلم شسوت سالفه الحادث شوف شسوت وكالت حادث جذب
اسماء_كافي مااشوفن حالتها ...ميرال كومي بدلي وغسلي
ضليت انتضر عمي فوك الساعه كاعده مصدومه وصار صوت طلق يمنه
عبالك ببيتنه سمعت صوت
_ادددددددددهم اطلع اليوم اموتك
بلقيس_يمه ياستار منو هذا .......شقصده ادهم ابني
ضلوا يرمون طلق واحنه نعيط خايفين من الصوت ومرعوبين شوي وسكتو
بلقيس_ولج ميرال شفتي ادهم اليوم....ولج احجي شبيج انخرستي
_ارررريد عمي
_تصرخين مثل الجاهل تردين عمج شصخمتي ولج
شوي وطب عمي وصاح
_وينه ادهم
بلقيس_وينه ماشايفينه
_ادهم مااجه هنا
_شيردون من ابني
_ميرال صح كلامهم
_اي عمو
_زين راسي هالولد راح يموتنه كلنه
بلقيس_ولج احجي شكوووو
_ادهم كتل فؤاد بيت ابو فارس
حجيت هيج وضلت بلقيس تلطم وتضرب بوجها
_عزا العزاني شسويت ياادهم ليش هيج ليش
عمي_ميرال احجي شصار حتى اتفاهم ويه الناس متخبلين على ابنهم
_عمو رجعت من المدرسه ولاكاني فؤاد حجه وياي وادهم شافه وضل يضرب بيه وهو قبلها جان مسوي حادث ومات من الضرب
_شراد منج
هجمت عليه بلقيس ولزمتني من شعري
_ام الووووولد خليتي الزلم تتكاتل بيناتهم ضيعتي ابني راح بالرجلين من وراج
_عوفيني مامسويه شي
لزمها عمي ودفعها
_تسودنتي شلون تمدين ايدج عليها ....ابنج سوة مصيبته اريد اسلمه الهم واخلص
_تسلم ابنك الهم ويكتلوه
_اخلص منه ومن اذيته ابن عاق
_ابنك هذا شلون تحجي هيج
_لج كاااااااتل شلوووون اسكت
_من ورة بت اخوك اسألها شعده الولد وياها
ميرال_عمو والله ماعندي شي وياه
بلقيس_الله يأخذج
عمي_كاااافي
_وهسة شسوي
_خل اكعد وياهم واشوف كرايبنه يجون وياي خوما اكعد وحدي
اسماء_بابا حاجي عمو حسام
بلقيس_اسكتي انتي عمهت حسام ضال بالادرن مرتاح بحالنه هو
_حضري ملابسي اشوف وين تخلص تاليها جيبيلي علاجي كلبي كام يوجعني
_كله من ورة هاي
_ كافي ابنج الغلطان لا تغطين على غلط ابنج واذبين الصوج بيها يله روحي
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
