البارت 23
#قلب_حواء
........
روجينا
مر اسبوع تقريبا.....دخلنه انذار بسبب لانا وعلوش باقي يمها
راد خالو يطلعها بس علوش وجدو ماقبلوا لان يردون يطمنون عليها الضربه براسها وماتكدر تتحرك بسبب رجلها
ادريس ماابقى يمه بس يجي للبيت اطب للغرفه لان يضل يزعجني ويشمر كلام
اما قسور افتقده واشتاق اله تعودت عليه بس هو صار يختفي مايجي كمت اشوفه مرة بالاسبوع مو مثل كل يوم
رحت للدوام .....اجت بنيه صغيرة بيدها ورده
_يبنيه
_ها
_هاي الورده الج
_الي منو انتي
_اني ملاك
_فدوة للملاك بس منين تعرفيني
_مااعرفج بس خالو كال من تجي انطيها الورد واشر عليج
_وينه خالو
_هذاك......
باوعت ماكو احد
_وين ماكو
_هنا بس ختل
_خالج جبان
_لا خالو رجال
_اعرف بس ليش ختل
_ماادري
_شنو اسم خالج
_قسور
_اها قسور اكول ليش ختل...تعاي ندور عليه
مشيت وياها للقسم ولكيته كاعد جوة
_يعني عايف الطفله برة وحدها وانت خاتل هنا
_خاتل....احترامج يوم عن يوم يزيد....ماختلت بس عفتجن تتناقشن سوة
_مااحب النقاش
_اي اتعبين بس تحجين فأكيد ماتحبين النقاش
_اريد افهم الجامعه بأسمك بأي وكت تجي وعادي محد يحجي لا انوب جبت ضيوف وياك
_عندي معارف.....كوليلي شلونها الضيفه
_تجنن
_ماكو فرق بينكم نفس الطول
_ها رجعت تحشش على طولي مو هالدرجه شوف اني اطول منها
_اي قنعي روحج
_مقتنعه.....دنكت صرت بمستوى ملاك وبستها.....حبيبتي ملوكه شنو هالجمال فدوة للبنات
ابوس بيها وسحبها مني عندي
_كافي حرام البوس
_ها
_اي مايصير
_اتركها
_ههههه مااتركها
_ليش حرام فهمني
_تقبلين ابوسج
_شنووووووو
_اي لان غريب مايصير وانتي وملاك غريبات ومايصير
_انت رجال حرام مو طفله وهي بنيه....بعدين شلون تحجي هالحجي عيب
_المهم نفس الشي حرام ....حجيت هيج حتى اوضح الفكرة
_اول مرة اشوف ضابط هيج
_شبيه
_ااا.....لا عيب
_شردتي تحجين هو انتي احترامج فول كولي
_لا سكتت
_احجي اتقبل اي شي منج
_ردت اكول سخيف بس يله ماصار شي
_عساس ماكلتي سخيف مو
_لا
_منو هسة الحجه
_ماكولتها بوجهك بس وضحت الك
_خوش توضيح
_شعبالك لعد
_ههههههه حبيتي الورده
_اي ملوكه الحلوة هدتها الي
_شنووو ملوكه......جا الواكف هنا شنو عمود
_مو انت جبتها لا ملاك صاحتني وكالت الورده الج
_ولج ملاك منو انطاج الورده
_انت خالو
_والمن كلت تنطيها
_للبنيه الحلوة
_سمعتي
_حتى لو بس الي انطتها الي ملاك مو انت فتعتبر من ملاك
_جيبي الورده
_لا وردتي
_لا وردتي اني
_لا ورده ملاك وصارت وردتي
_جيبي
_نو
_انوب نو صارت انكليزي جيبي
اخذ الورده مني
_اترك وردتي
_والعباس مااترك
_عفيه شنو هاي
_شنو عفيه
_لا تقلد مااسمحلك....انطيني وردتي
_منو انطاج الورده
_ملاك
_لا كولي انت يله انطيج
_مااكول لان مو انت انطيتها الي
درت وجهي ومشيت بسرعه صار كبالي قدم الورده الي
_وهسة اقبليها مني وكولي انت انطيتني ورده
_لا ملاك انطتها الي
_شلون تخليني اكتل ملاك لان جبتها وياي
_عززززا قاسي حتى ويه الطفله لا لا بعد اصدمني شكد قاسي
_اي قاسي بس اخذي الورده
اخذتها ومنه ودرت وجهي على ملاك ابتسمت وحجيت
_شكرا ملاك على الورده
ضرب كصته وحجه_استغفر الله .....اني هم صوجي اكو طفله هنا شكو جايب طفله ثانيه
_وين الطفله هنا
_غلسي مابيه حيل اشرح
_ملاك منو هذا
_خالو
_انت شتصير منها
قسور_عمتها
_ههههههه ضليت اضحك واباوع عليه ....صدك ضحكتني ليش ماتتحمل شقه
_كل هذا ومامتحمل الحمد لله
_لا صدك شلون تتحمل هيج وانت عصبي وقاسي
_اهم شي اشوفج واشوف ضحكتج هسة ارتاحيت
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
