البارت 31
#قلب_حواء
............
يولاند
_شنو ميرال نايمه
فرح_يمكن لان فراس طلع وهي بالغرفه
خل اشوفها.....رحت دكيت الباب ماكو ردت افتحه مقفول
_اهو هم قفلته تالي وياها
_اجوز تريد تنام .....ذاك اليوم هم قفلته ونامت
_اتوتر من تقفل الباب ومااعرف شبيها
_بس ماكو شي اطمني
_اقلق خصوصا لان ماادري بيها فجأه تقفله
_لا ماكو شي هسة شوي وتكعد الخبله
_خل اشوف شوي واصعدلها
نزلت جوة ضليت اشوف شنو نقص بالشغل حتى التهي اجه فارس باوعلي بس ماحجه شي صعد فوك
اتصلت روجينا
_هلو يولاند.....ميرال وين
_فوك بالغرفه....ليش
_اتصل عليها من زمان واكثر من مرة ماترد عصبتني
_ليش ماترد.....خل اشوفها وارجع اخابرج
صعدت فوك دكيت الباب واصيحها
_ميرال.....اذا كاعده افتحي الباب لا تقلقيني عليج
دكيت عليها اسمع مبايلها يدك بس ماترد
طلع فارس من الغرفه وشافني واكفه وخايفه
_شكو....ليش واكفه
_ميرال قافله الباب وروجينا ادك عليها اكثر من مرة وماترد حتى اني دكيت وماكو
_خاف نايمه
_اي بس ليش تقفل الباب.....اخاف عليها
_ليش صار شي خاف تعاركت ويه فراس
_ماادري خابرة زين خل يجي بسرعه فدوة والله قلقت
_اي ماشي ذاك اليوم هم صار هيج وماكو شي اطمني
اتصل فارس وضليت واكفه
_ها رد
_لا مايرد
_ارجع اتصل مرة ثانيه
_شبيج بسرعه تقلقين ماكو شي
_ماارتاح اله اشوفها مابيها شي
_ماكو شي
رجع اتصل عليه مرة ثانيه ومارد ثالث مرة يله رد
_وينك اتصل ماكو
_ها اشتغل
_شبيك
_مابيه شي شكو
_تعال للبيت ميرال قافله الباب ومانعرف شنو وضعها
_مابيها شي هي كل ماتصير شغله تقفل الباب ماكو شي
_حتى لو تعال.....يولاند خايفه عليها وتريد تشوفها
_خابروها حتى تكعد
_لك اخواتها خابرن يدك وماتشيله تعال لا تعاند
_اي جاي
يولاند_ها شصار.....راح يجي
_اي هسة يجي كافي تفائلي ماكو شي
_ان شاء الله
ضليت افتر اروح يمنى ويسرى وفراس ماكو ....واني مستمرة ادك عليها بس ماترد
اجه فراس
فارس_واخيرا اجيت يله افتح الباب
_هسة تلكاها نايمه ماكو شي
فتح فراس الباب واني وراه .....اباوع واكعه بالكاع وايدها دم وكزازه بيدها بسرعه صرخت
_ميررررال....كعدت بالكاع مااكدر اتحرك من الهبطه وفراس واكف مصدوم
فارس_تحرك شوف شبيها مو وكت تنصدم
_هاي شسوت بروحها
ركض فراس يكعد بيها ملابسها دم ووجها اصفر تقرب فارس كومني ويهدي بيه
_هسة نأخذها للمستشفى اهدي
_مااريد اختي تعوفني ساعدوها
ضل فراس يقيس نبضها وجر الشال خلاه على الجرح....حجه بخوف
_الضربه مو خطرة بس لازم اخذها.....كام دور على عبايه غطاها وشالها
يولاند_اروح وياكم....مااضل انتظر واعوف اختي
فارس_بسرعه يله
_فرح ديري بالج على جانيت
_ماشي طمنونا على ميرال
_اي
رحت جبت العبايه والشال بسرعه ونزلت فراس صاعد ورة وبحضنه ميرال ....صعدت ليكدام وفارس يسوق
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
