البارت 17
#قلب_حواء
بنات الي قريتوا البارت السابق اول مانزلته بالبدايه ارجعوا اقروا لان جان بيه غلط وعدلت بيه كم موضوع فصار بيه اختلاف اما الي قروا ورة ساعه من نزلته فعادي لا تقروا لان لحكتوا على التعديل
..........
لمار_جدو خل اروح وياك
روجينا_اي اني هم
_لا انتي ابقي واني ارجع ويه جدو
_ليش مبقيني هنا ضجت
بيبي_ابقي يمنه وخل لمار تروح
_بيبي ضجت وحدي هنا
_اني يمج واحنه على كيفنه نروح
_اكيد
_اي اكيد
_اوكي لمار روحي انتي اني ابقى يم بيبي
_ماشي
كمت بدلت ورحت اريد اعرف الوضع شنو
وصلنه للبيت عمي كاعد
_عمو وين ميرال
_راحت
_وين
جدو_اكعدي مابيها شي خل نشوف سالفه يولاند
_اختي وين راحت احجو
بلقيس_اخذوها فصليه اهل الولد
_شنووو درت وجهي على عمي ....عمو انت ليش انطيتها ليش فصليه راح يأذوها تتعذب بعدهي صغيرة
_مو بيدي هذا الصار وشرطوا هي الفصليه
_تسوي بيها هيج علمود ابنك
_كتلج مجبور ومايأذوها اعرفهم وهم مو بيدهم شيخهم هيج قرر
_الله اعلم شنو وضعها جدو انت تدري
_اي ادري
كعدت ابجي حجت بلقيس
_ليش تبجين هي غلطت وتتحمل الغلط وماعليها شي فكري بأختج الي مختفيه
_عمو زين يولاند شنو شصار بيها
_ماادري بلغت الشرطه ولحد الان ماكو خبر وخابرت هسة ماكو محد شايفها
_زين مكان ادهم رحتو اله
_مقفول والناس كالت ماجاي ادهم وماشايفي
_لا اكيد ادهم هناك
_بنتي عليه قضيه مايبقى بمكان معروف سوة سوايته وشرد
_زين خل نروح للشقه بلكي نلكه شي
بلقيس_شتلكين يكلج مقفوله والشرطه سألوا الناس كالوا ماشايفي
_عمو خل نروح نشوف حباب الله يخليك
_ابو زكريا بشنو تفكر
_خايف لا يولاند مخطوفه
_لا لو مخطوفه جان طلبو فلوس او خابروا
لمار_خل نروح للشقه ونشوف مانخسر شي وحتى لو مقفوله الشرطه ليش ماكسروا وفاتوا
_رحت اني وياهم الناس كالوا ماكو مختفي ماشايفي صار اسبوع
_حتى لو خل نروح حباب عمو
_ماشي ترحين انتي
_اي اروح وياك
_امشي
طلعنه لشقه ادهم دك عمي الباب على امل ادهم بيها اجه رجال من الشرطه
_حجي شسوي هنا
_اريد اشوف الشقه
_احنه ضالين مراقبه محد اجه ولا احد طلع
_حتى لو اكسروا خل نشوف يمكن نلكه شي
_ماشي بس شوي مسافه
_تفضل
ابتعدنه وضل الشرطي يدفع لحد ماانفتح الباب
الشقه هوسه وريحتها تخنك ضلينه ندور ماكو طبيت للغرفه اني وعمي باوعنه هوسه وبالكاع دم
_عمو دم
ضليت ارجف الله اعلم شمسوي هنا تقربت من الكنتور وشفت مبايل سحبته وطلعته
_عمووو هذا مبايل يولاند
_اي يعني هي هنا
_بس لا هذا الدم الها
اجه الشرطي اخذ المبايل علمود البصمات طلب من عدنه نطلع حتى يسوون تفتيش عام عليها
رجعنه للبيت مااكدر اسكت بس ابجي
_يعني غير شرطه اغبياء مايعرفون يفتشون ضالين يراقبون شنو هالعقل
_اني اعرف منو يساعدني
_منو
_الضابط قسور هالسالفه اضل اجر طول وعرض ونضيع البت اشوف واحد عرف بسرعه يلكاها
_اي من البدايه وخابرة ليش هسة مانعرف وين
_يابنتي اني شصير سالفه الفصل وميرال واعتمدت على الشرطه معبالي اطول هيج
_ان شاء الله ماكو شي
أنت تقرأ
قلب حواء
Romanceانثى ،امراه ،بنت ،طفله ،شابه ،عجوز جميعهم يعودون لمسمى واحد وهو حواء ويرمزون للقوة اربع خوات يتيمات لكل واحده قصه تختلف عن الاخرى امكن للحب ان يزور بيتهم ليحطم ويسعد من بينهم فلابد ان تثبت كل واحده انها حواء القويه التي لا تهزم بسبب قلبها
