خطوة نحو الجحيم 3 ( باللهجة التونسية)

الحلقة 71

الحلقة 71 :
أوس؛  صاافاا !!
اليف؛ ممم مليحة
أوس؛ شبيك دختي مالا !
اليف؛ نظن تعبت كهو
أوس؛ تحب نعيط لكيم
اليف؛ شمدخلوا كيم ؟
أوس؛ طبيب راهو
اليف؛ لا ميسالش مليحة
أوس؛ سمحني بلاك ظغطت عليك
اليف؛ لا عادي
أوس؛ باهي باش نروح توا ارقد كان احتجتي شي قوليلي باهي
جا باش يخرج ...
اليف؛ أوووس ميسالش ترقد هوني
أوس؛ متأكدة !!
اليف؛ اممم
بعدت شوي ...قدم لطرف السرير ..باقي نتبع فيه بعينيا ...نغزر لأكا الطبليطة منعرش شبيني نحب نعدي يدي عليها....شلقلي كيف نغزرلوا بعدت عينيا نحاول ....نتجنبوا ...
أوس؛ باش ناخو دوش و نجيك باهي
هزيتلوا براسي باهي ....خرج من البيت ...تي أصلا بيتوا حطني فيها و خرج ...قداش نحبها ....ديكورها للي بالألوان الحيادية تحفون علخر...ريحتوا اللي فكل شطر هوني...تعدات بين عينيا أول ليلة معاه ....كلش هوني يذكرني بيها ...قداش سايسني ...غزرت للتابل دونوي ...للبارفان متاعو ..  Bleu de channel ....  قمت شوي ...هزيتها حطيت منها .... قداش نحبها.... اما توا حلات كثر ... جا بين عينيا مريولو اللي مرمي عالحرف متاع السرير ...قمت فاشلة ...تي تقول عليا خذيت طريحة .... هزيتو قربتوا لخشمي.... جات صورتوا بين عينيا تبسمت ....حطيت و نحيت دبشي أصلا كنت بشورت و خلعة ...نحيتهم و لبستو شخت عاللخر .... هزيت يديا الفوق ..عديتهم على شعري... و نزلتهم ورا رقبتي رديت راسي للتالي نغزر للسقف ....قلبي غص منعرش علاش حاسة احساس خايب اكا ... رمشت بزربة باش منبكيش.... تلفتت باش نولي للسرير خبطت فيه ....السخطة ديما منحسش عليه ...
اليف؛ تييي كيف دخلت انتا
أوس؛ نزحف
اليف؛ زايد ماسط باش تجلطني كاش نهار راك ...
جبدتها من وسطها .... الفرخة لابسة مريولي ...ضربت في خشمي الريحة متاعي ...ضيقت عينيا
أوس؛ شعملت انتي !!
اليف؛ آه شي شباش نعمل ياخي
عدا يدو على على ظهري .... نزل راسو فوذني يحكي
أوس؛هاك لبست مريولي ... و عملت من الپارفان متاعي ...علاش ؟
اليف؛ آآ خاطر خاطر
أوس؛ خاطر شنوة
اليف؛ نفحتلي كهو
أوس؛ اممم باهي
فلتها ... و مشيت تكيت على ظهري ... و غمضت عينيا ...أصلا كون نزيد معاها .... شوي باش نغلط توا و موش وقت.....أصلا لي سمعتوا اليوم كان كافي باش يهدها....تكات قدامي ...حليت عينيا ريتها تغزر للفوق ....جبدتها عندي حطت راسها فوق سدري و يدها زادة ....
اليف؛ أوس
أوس؛ امممم
اليف؛ متقولش اممم
أوس؛ ههههه شنقول مالا ؟
اليف؛ منعرش
أوس؛ شتحب عزيزتي باهي هكا
اليف؛ اممم
أوس؛ ههههه متقولش اممم انتي زادة
اليف؛ هههه يزي عاد
هزيت يدي نعدي فيها على سدرو ...تي تقولشي مرسوم ...قداش شاهية نبوسو جيهة قلبو ...
أوس؛ ريض عيش حبي
اليف؛ هأه
أوس؛ باش ترصيلك في طرح
اليف؛ تيييي ميحشمش جملة
أوس؛ ههههه شنعمل
هزيت راسي ....تركزت بيديا على سدرو ..
اليف؛ أوووس
أوس؛ شتحب روحي
اليف؛ نحب بوسة
أوس؛ شننوة
اليف؛ أماااان
جبدني من رقبتي ....جا وجهي مع وجهو ...حطيت يدي على قلبوا ...غرزت ظفاري ...عمل فازة متاع توجع شوي ...نزلت راسي بستها ... و غزرتلوا موش فاهم شي و أنا زادة موش فاهمة علاش نعمل هكا ...قلبني فيسع جيت تحتوا ...
أوس؛ باش تهبلني انتي أه
غزرت للتراس متاع ظفاري ....تبسمت ....
اليف؛ والله جات فراسي كهو  وجعتك!
أوس؛ لا اما توا ناخوا بوستي زادة
اليف؛ اعع شقصدك ان
مكملتش قص عليا كيف باسني ...تفاعلت معاه ....نحب نعيش اللحظات هذوما ... صحيح متغششة... أما في داخلي نحب يكون قريب مني ...نزل لرقبتي دوخني السخطة ....عديت يدي على شعرو ... هز راسو يسال فيا كان يكمل ...جبدتوا ليا اكثر ... و كانت ثاني ليلة بيناتنا ...في كل لحظة حسسني الللي هو يحبني ... لمستوا اللي تهزني لدنيا خلاف فيها كان انا و هو...حضني ليه اكثر ...كبشت فيه ...
أوس؛ حبيبي
اليف؛ اممم
أوس؛ باش نتزوجوا
اليف؛ أه ؟
هزلي يدي .. غزرت للخاتم ...تي لبسهولي بلا ما نفيق...نطرت من بلاصتي ...نغزرلوا و نعدي فيدي عليه
اليف؛ ياااااا محلااااااااااه أوس يفتق موش نورمال
قام في جرتي ..لف يديه على كتفي ..
أوس؛ انتي احلى يا روحي
اليف؛ نحبك نحبككك
عنقتوا بقوتي
أوس؛ بلعقللل يا طفلة هديتني راك و مسمعتش جوابك راني
اليف؛ باش نخمم
أوس؛ هه تخمم لبست الخاتم عزيزتي ... من أول يوم انتي كنت متاعي و باش تبقى مربوطة بيا للخر....ايام و يوفا كلشي و نبعدوا ...باش نعيشوا فالمالديف نعرف تحبها ... اممم و زادة باش نعمل اللي نحب ... نحبك اليف
اليف؛ نموت فيك راني
عنقتوا و تكينا باقي نغزر للخاتم .... ستيل يهبل ...لين هزنا النوم و رقدنا
⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩
#خطوة_نحو_الجحيم
#يسرى_أمجوج