خطوة نحو الجحيم 3 ( باللهجة التونسية)

الحلقة 75

الحلقة 75 :
سيلا؛ اممم باهي باهي فهمت
مؤيد؛ لازم كلش يمشي حسب الخطة
سيلا؛ أهم شي أوس متمسوا بحتى شعرة
مؤيد؛ كيف ما تفاهمنا
_____________
أوس؛ وينها توا
الحارس؛ طريق ساعة من هوني
نوقز تيليفونو هز
الحارس؛ وي مسيو وي باش نجي لا ماو خذيت 4 سوايع خاطر مناوبتي فليل باهي سامحني هاني جاي
علق عليه و غزرلي
الحارس؛ لازم نروح عيطولي
أوس؛ حبس نجي معاك
الحارس؛ وحدك !!! حاب تموت ياخي
أوس؛ علاش قداش عددهم
الحارس؛ وحد ال 100 واحد
أوس؛ باهي تو نكلم رجالي
هزيت تيليفون ..كلمت اللي حاكمهم هوني .. نزلت تيليفون غزرتلها
أوس؛ تو نجي متتحركش
اليف؛ شبيك طولت شكون هذاك
أوس؛ واحد من رجالي لازم نروح توا
كيم؛ واحد من ر...
أوس؛ كيم رجعهم للدار
نطرت من بلاصتها حكمتلي يدي
اليف؛ أوس شفما _!!!
أوس؛ شي اليف خدمة كهو
اليف؛ موش غدوة!!!
أوس؛ وراس حبي مش متاع غدوة
ڨحرلي كيم و هديل زادة متاع فما شي موش نورمال خاطر اكا الراجل موش تابعتنا
اليف؛ باهي نجي معاك ميسالش
أوس؛ اليييف عييش حبي موش وقت تكسح راسك
اليف؛ موش مطمنة
أوس؛ اليييف اغزر كيم و هديل نورمال كان انتي
قدمت ليه ...قلبي مقبوض علخر ..عنقتوا لف يديه عليا ..شوي كهو و جبدني ..طلعت شوي بستوا بوسة خفيفة و جبدت روحي ..باقي يغزرلي ندرا كيف .. هز حاجبوا لكيم و مشا مع اكا الراجل ..عديت يدي على وجهي ..نحاول نحبس دموعي ..
هديل؛ اليف صافا ماو
اليف؛ ممم مليحة بربي هديل خبرني مهوش رايح يواجهوا موش هكا
كيم؛ اليف غدوة المواجههة موش ليوم باز طلعتلوا خدمة كهو ..
هديل؛ أوس قائد موش طفل صغير ينجم يحمي روحو باهي
اليف؛ بباهي
هديل؛ هيا نمشوا توا
حط كيم فلوس فوق التابل و غزرلي .. اليف سبقتنا بخطوات ..ضايعة علخر ..غزرت لكيم
هديل؛ شفما وين مشا و شكون اذاكا !
كيم؛ منعرش موش من رجالنا
هديل؛ بالرسممممممي !!
كيم؛ اشششش تزيد تسمع اليف أصلا موش عاجبتني حالتها
هديل؛ باهي هات برك ميعملش شي خطير
كيم؛ تو نلحقوا نوصلكم كهو
هديل؛ باهي
الييف تحكي :
نمشي تفكيري معاه..احساس ندرا كيف ..دوب ما وصلت للباركينغ ..حكمتلي يدي هديل كأنها تحاول طمن فيا ..حل كيم الكرهبة ركبت من التالي ..و هوما في زوز من القدام ..تكيت راسي للتالي ربع ساعة ووصلنا ..نزلت دخلت عارضتني سيلا بالوقت
سيلا؛ ههه توا تجيو خليتوني وحدي
هديل؛ تي  سيلا بربي سامحنا
سيلا؛ هه لا عادي أصلا توا باش فقت من النوم وينهم كيم و أوس
هديل؛ أوس مشا في خدمة و كيم راح يشري العشا
اليف؛ هاني طالعة لبيتي نرتاح البنات
هديل؛ باهي عزيزتي
طلعت
سيلا؛ ياخي شبيها اليف وجهها مقلوب اكا
هديل؛ تي انا زادة راني نرجف
سيلا؛ شفما!!
حكاتلي هديل كلش ..اما هاذ الشي مكانش ضمن الخطة شكونو هذا ..والله كون تلعب عليا ...الا ما نوريلك يا مؤيد
سيلا؛ باهي اهدا عزيزتي اكيد تو يوليو و اصلا كان فما شي تو يجينا اتصال من ال FBI
هديل؛ وي
سيلا؛ كنت نحضر فالجي تو نجيبلك كاس بلاكشي تهدا
هديل؛ تعملي مزية يا روحي
سيلا؛ باهي
مشيت جبتلها الكاس متاع الجي .. شربت و انا زادة شربت ...لحظات كهو ة بدات تدوخ ..غاضتني الفازة خاطرها صحبتي ..اما ملزومة. .هزيت التيليفون كلمت جاد و مؤيد ...خبروني للي هوما ما يعرفوا شي على اكا الراجل ..تو نمشي انا و نشوف ..طلعت لبيت اليف ..لقيتها فالبالكون ..
سيلا؛ اليييف
اليف؛ شفما شبيك تعيط ؟
سيلا؛ أوس و كيم حكموهم رجال السينيور
اليف؛ شنننوة
سيلا؛ هيا فيسع هديل راحت تلم الرجال و حنا باش نهجموا تنجم انتي ياخي
اليف؛ بالطبيعة
تبسمت على جنب ..غزرتلها خدمت الكرهبة و طرت باها هوني توفا اليف ..
⏩⏩⏩⏩⏩⏩⏩⏩⏩⏩⏩⏩⏩⏩⏩⏩
#خطوة_نحو_الجحيم
#يسرى_أمجوج