خطوة نحو الجحيم 3 ( باللهجة التونسية)

الحلقة 89

الحلقة 89 :
حطيتلها البارفان .. و باقي نرش فالما عليها لين فاقت ... دوب تحل في عينيها ..عديت يدي على وجهها
أمير؛ الييف ...الييف
اليف؛ امممم
أمير؛ صافا فقت ؟؟
اليف؛ مممم باز كثرت من الشطيح
أمير؛ موش باز كثرت راك
قمت شوية ..عاوني حط المخدة ورايا ..قرب مني عاللخر ..هزيت راسي نغزرلوا ..
ماريا؛ يا ولد شتعممممل !!
كمل عدل المخدة و قام من قدامي غزرلها ..
أمير؛ نعدل فالمخدة كي نجي نعمل شي خلاف نخليلك الباب محلول 
حكمني الضحك .. نزلت راسي نتبسم .. حكمتوا من وذنوا  تقرص فيه..
ماريا؛ زااايد متحشمش
أمير؛ ماريا ههههه تربية راجلك
ماريا؛ ههه فرخ هيا انتي فاش تستنى حضر روحك
اليف؛ نحضر روحي !
أمير؛ تو نخبرها ماريا
ماريا؛ باهي معادش فما وقت
خرجت
اليف؛ شبيها تشنف هكا ياخي تبان موش حاملتني جملة
أمير؛ لا  تبنلك كهو ... هيا تنجم تقوم ياخي ؟
اليف؛ علاش
أمير؛ فما حفلة الليلة
اليف؛ معينيش في حفلة توا
أمير؛ الحفلة هاذي على شرفك
اليف؛ أنا !!
أمير؛ اممم انا و سراج قررنا نقيموها باش الكل يعرف اللي اليف المالكي عايشة
اليف؛ تي موش لازم
أمير؛ لا لازم ..شوف فما مفآجأة هوني
حطيت الساشيات فوق السرير ...نطرت من بلاصتها ..تفركس فيهم ..
أمير: اليييف نقص من الحركة الزايدة هاذي
اليف؛ ياااااااااا أميييير
نطرت عنقتني ..رجعت للتالي قريب
أمير؛ بلعقل يا طفلة
اليف؛ مزلت متفكر ياخي انا و نسيت عليهة
أمير؛ ماك هبلتني وقتها **أميير نحب على روب من سويسرا روز ... و متاع الأميرات
اليف؛ يوووو عيشو اللي متفكر هو
بستوا على خدو .. و نزلت يديا هزيت الروب ...حطيتوا عليا شخت ..باقية نلف بيه
أمير؛ حضر روحك
اليف؛ باهي
تعديت من قدامها .. عاملة جو علخر ..تبسمت و خرجت ... 28 سنة من حياتي عشتها على اسم اليف ... وقت صغرتي كانوا يقولولي اللي اليف باش تكون مرتك ... صحيح كنت صغير ...اما حبيتها اليف كانت حب طفولتي ... و باش تبقى حبي للتالي .. موش باش نخلي شي يأذيها .. أكبر غلطة عملتها اني فرطت في حبها ليا ...في خاطر مصلحة العيلة ..تعديت لبيتي عملت دوش خفيف بدلت دبشي ..و نزلت نشوف اذا كلشي واجد ...
أمير؛ اسمع وين الياسمين اللي قلت يتحط فوق الطابي
-تو كي نحطوا الطابي لحمر نحطوه فوقو مسيو
أمير؛ فييسع فاش تستنى
سراج؛ اهدا أمير
أمير؛ هاني هادي
سراج؛ لتوا موش مصدق اللي اختي عايشة
أمير؛ كنا متأكدين أنو باش نلقاوها و اذاكا اللي صار
سراج؛ هيا بداو يجيو الضيوف
تعدات ساعة .. الضيوف الكل حضرو .. وزراء رجال أعمال. مافيا الكل حضروا .. متشوقين يعرفوا شكونها بنت المالكي ... هزيت كاس شمپانيا فرنسية ... خبطتوا في كاس سراج و زوز صحابنا .. هزيت راسي وقت ريتها جاية .. عينين الكل ترشقوا فيها .. تبان أميرة هربت من حكاية . هزيت راسها غزرتلنا انا وسراج و تبسمت ... وصلت عندنا .. سلمت على سراج ..غزرلها
اليف؛ فرحانة برشا خاطر طلع عندي خويا يخليك ليا سراج
تبسملها .. لف يدو عنقها ..رمشت بزربة باش مينزلوش دموعها ... و تلفتتلي سلمت عليا..
اليف؛ انتا زادة أمير عملت برشا حوايج خاطري قد ماىعملت منجمش نكافيك
أمير؛ مبيناتناش اليف
تبسمتلي هدت علينا الصحافة باقي يسقسيو ... و ياخذو فالتصاور ..تلفتت غزرتلها كيف تتبسم ...تلفتت غزرتلي غمزتني ...و تلفتت
⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم