خطوة نحو الجحيم 3 ( باللهجة التونسية)

الحلقة 96

الحلقة 96 :
دوب ما خرج  ..تكيت للتالي نتبسم .. بالحق مهبلتوا مسكين .. غمضت عينيا لين هزني النوم ...
أمير يحكي :
خرجت من عندها خذيت دوش ..باش تجلطني عقاب عمري بفازاتها .. نزلت عملت سندويش خفيف كليتوا ... و طلعت نرقد ..اصلا تاعب علخر ...
................
سيرين؛ تي أوس منعرش نديرها
أوس؛ ركز برك سيرين خير ما ترصالنا مضحكة ماو تعرف هديل
سيرين؛ هههههه تو تموت بالضحك هههه ميلزمش نفشلوا ...
أوس؛ هههه هيا لف توا
دوب ما لفيت .. جات عيني مع عينوا .. باقي نغزرلوا و هو زادة ..نحبوا كل مرة نلقا روحي نحبوا كثر ... و خايفة في نفس الوقت يجي نهار.. و نكون بعيدة عليه رغم كلشي نحبوا ... لتوا منعرف حتى شي على الطفلة اللي يحبها .. و موش فاهمة علاش باسني ...و انا بين يديه منحب نخمم في حتى شي..... كان اني نعيش هاذ اللحظة كهو ..خاطر باز متتعاودش ..هو زادة باقي يغزرلي ،...قص علينا جود كي دخل ..
جود؛ تي هيا بداو يشطحوا فالصالة للتحت و انتو مزال
أوس؛ هههه باهي هيا
نزلنا للتحت ... لي كوپل اللي فما الكل شطحوا .. غزرتلي هديل متاع قدم قدمت أنا و سيرين و بدينا نشطحوا العينين الكل ترشقت علينا ..لين كملنا الكل صفقوا ...
هديل؛ هههه انتو ربحتوا برافو
باقي يهنيو فينا ..تلفتت غزرتلها ..منعرش علاش تخليت اليف في بلاصتها ...
.............
اليف تحكي :
فقت في عينيا الدموع ... منعرش علاش نبكي ..اصلا الحلمة موش متفكرتها ..خذيت دوش صحصحت بيه .. تعديت للڨارد روب ...لبست شورت .. و خلعة قصيرة فلوري .. مع أديداس .. شيحت شعري مليح ..لين ولا قدقد سيبتوا .. عملت غلوس و ماسكارا ..حطيت بارفان .. عبيت روحي .. غزرت للمرايا .. توا وليت اليف.. اما انعكاسي فالمراية كنت نرا في آنجل ..نزلت بردت قلبي فالفطور ...تي ال 11 وقت غدا ..تعطلت مع الدوش و شعري .. هزيت تيليفوني من فوق التابل .. وقمت خرجت نتمشى..
اليف؛ تي عندي مدة مدخلتش للفيسبوك ..طلعت فوق المرجوحة و تكيت للتالي ..سيبت شعري يتدلى..دخلت للكونط متاعي .. برشا وقت تعدا .. اما كلشي عادي يعني ... طلعلي فيسبوك متاع هديل ..خاطر عيطتلها بقا نومرو .. تبسمت دخلت للكونط متاعها .. تصدمت و انا نغزر للتصاور اللي حاطتهم .. ليوم عرسهااا!!! .. تصاورها مع كيم .. عايلتها ...وقفتني فوطو متاعها مع أوس .. تقعدت ..نزلت رجليا للتحت ..نغزرلوا ياسر زيان السخطة .. هزيت يدي عديتها على وجهو ..مبعد فقت على روحي .. تعديت الفوطو غزرت لفوطو فيها هوما في ربعة ..سيرين غزرتلها .. وولدها في يد أوس ...قلبي وجعني ..حكمتني غصة.. نزلت وقفت ..عديت يدي على وجهي ... فرحانين علخر .. هدرة كيم كلها صحيحة ..جيت باش نخرج من بروفيلها اما وقفني الفيديو اللي حطت في دقيقتها .. و كتبت فقوا "الكوبل اللي ربح في حفلة الرقص أوس سيرين نحبكم " يدي رجفت .. تكيت عالفيديو ... باقي نتبع فيهم بعينيا لين وفات الغنية .. نزلوا دموعي ..طلعت راسي غزرت للسما ... نحب نعيط ..رجعت عاودت الفيديو مرات و مرات .. خرجت منو عديت يديا مسحت دموعي .. معادش نتفآجأ تي شنية بقا ..حطت فيديو خلاف متاعها هي و كيم .. تتفرجتوا ..تبسمت عالأقل هوما حبهم طلع حقيقي .. فرحتلهم ..هزيت يدي باش نبعثلها ميساج .. حاسة كأنوا اختي اللي راهي تتزوج .. بعثتلها  "كلشي مبروك تتهنى انشاالله ..جيت باش نطفي التيليفون ..وصلتني نوتيفيكاسيون ..لقيتها رردت.." مرسي اليف "
تبسمت جيت باش نخرج وصلني مساج آخر "كنت نتمنى تكون معايا فهاذ النهار رغم كلشي كنت كيف اختي اما بعملتك في سيرين فسدت كلشي "" باقي نقرا و نعاود فالميساج و بعثتلها "عملتي هديل فاش تحكي بربي!!!" ردتلي "تفرك فيهم ياخي رينا الكل الفيديو اللي كنت انتي السبب في اغتصابها علاش عملت ىهكا"  عينيا تحلوا اغتصابها  رديتلها " هديل امان و رحمة امي ما نعرف شي عالحكاية ..امانك ابعثلي الفيديو فما سوء تفاهم " شوي ووصلني الفيديو ..دوب ما بدا تفجعت لين طاح التيليفون من يدي و انا زادة طحت .. يديا يرجفوا هزيتوا نكمل فيه ..تي وجهي نسخة عليا .. اما خاطيني ..ددموعي نزلوا لين بكيت بالشهقة .. نعاود فالفيديوا موش مستوعبة خاطيني
اليف؛ خاطييني موش انا والله
أمير؛ ماكش انتي اليف
تلفتت غزرتلوا نبكي .. نطرت نعتلوا فالفيديو و نشير بصبعي
اليف؛ ورحمة امي خاطيني محال نعمل هكا
أمير؛ نعرف اليف خاطيك
اليف؛ أم أممير تعرف شكون هاذي علاش تشبهلي هكا .. و وو هوما فيبالهم انا شكونها أمانك امير تعرف ..
نزلت على ركبتي حاكمة في يدو نبكي
أمير؛ اختك
⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم