خطوة نحو الجحيم 3 ( باللهجة التونسية)

الحلقة 80

الحلقة 80 :
اليف تحكي :
حليت عينيا راسي رزين برشا .. الضبابة بدات تتنحا من عيني .. غزرت للبيت اللي راني فيها ..للحظة تفكرت شصار ..نطرت من بلاصتي جيت قاعدة ..نغزر ليديا ..لابسة بيجاما ..هزيت يديا نغزر للي تراس متاع صوابعوا ....و متاع اكا الحبل مغطية بالفاصمة  ... دموعي نزلوا ..وقت نذكر لمساتوا عليا و شفافوا اللي تعداو عليا ..بقيت نفرك في يديا على اكا للي تراس نحبهم يتنحاو ..جاتني كريز متاع بكا نضت ...نعيط كسرت الشي اللي فالبيت اذيكا الكل .. دخلت الفرملية تغزرلي مزهبلة
الفرملية؛ اهدا مدموزال عيشك
غزرتلها تحكي بالإسبانية ...تذكرت اكا لعبد اللي تيرا على مؤيد ..شكونوو وكيف جابني هوني وين انا
اليف؛ شكون جابني هوني وين احنا
الفرملية؛ السيد هو اللي جابك فإسبانيا رانا
اليف؛ شنووووة شكووونو
الفرملية؛ لازم تاخو دواك توا
بعدتها حليت الباب و خرجت ...باقي تلحق فيا ..نحل في كل باب عارضني تي قصر هو موش فيلا كهو .. حليت باب و عاودت قفلتوا مبعد عاودت حليتوا ..وقت ريت واحد واقف فالتاقة يتكيف ..غزرتلوا و دخلت
-علاش خرجت من بيتك
اليف؛ شكونك ؟!!  شتحب ؟
- برا لبيتك
اليف؛ هه تقوليش نتا السينيور الكبير متاعهم  و تحب عليا كيف الكل ههه لا متأكدة اما شبيك ما عملتهاش هاني كنت راقدة كنت تنجم تاخوا اللي تحب
تلفتت ڨحرلي ڨحرة متاع مووووت
-الييييييف براااا لبيتك فيسع
اليف؛ متعيطش يا شسمك كان في بالك نخاف انسا خاتر كنت نستنا فالنهار هذا من شهور.... علاش قتلت عايلتي ؟؟
*****: نقص حسك يا بنت
تلفتت ريت عجوزة كبيرة ياسر مضخمة حاكمة العصا و تمشي غزرتلها ...مشات للبيرو اللي مقابلني و قعدت
- موش وقتها توا ماريا
ماريا؛  لا لازم تعرف توا بلاكشي تحبس التخرنين متاعها
اليف؛  تخرنييين اعرفي واش تهدري احترمي شيبتك باهي
ماريا؛ نقص حسك معندناش بنات تحكي هكا مع الكبار
اليف؛ هههه بالرسمي تي مصح رقعتكم انتوا تقتلوا عايلتي و زادة تفتيو
ماريا؛ عايلتك اما عايلة فيهم بن أحمد
اليف؛ علاش فما وحدة خلاف
ماريا؛  اسمع هدرتي للتالي يا بنت
اليف؛ فيبالك باش نسمع هدرتك و نأمن
ماريا؛ ملزومة خاطر يخصك انتي بالدرجة الأولى ولا نقول الكذبة اللي كنت عايشة فيها
اليف؛ كذبة؟
ماريا؛ العايلة اللي تقتلت موش عايلتك
اليف؛ هههههههههههههه زيد ترااه
ماريا؛ عايلة بن احمد اللي كنت عايشة معاهم خطفوك وقت كنت في عمرك 3 سنين سراج نعتلها الپيسي
حل الپيسي حطو فوق البيرو مقابلي.. فضول كبير خلاني نقدم ..غزرلي في عينيا ڨحرتلوا و نزلت عينيا للبيسي ..عينيا تحلوا بالوقت ..بااابااا  هزني كنت نفارع فيه ..غمني بقماشة ..عمري كيما قالت شي 3 سنين خاطر ريت تصاوري وقت كنت صغيرة ..لا منحبش نأمن باز فوطوشوب ..
اليف؛ خدعة متاع فوطوشوي هكا
سراج؛ كنت فالبوليس و تنجم تميز الفوطوشوب من الصح اليف
اليف؛ شنية مصلحتكم من انكم تخبروني توا هههه باش نسامحكم لا و الف لا و تخلصوا دمهم واحد واحد خاطرهم رباوني و كبروني ..
ماريا؛ رباوك خاطرهم قتلوا والديكم يا الفاهمة
اليف؛ شنوووة !! منين تعرفوا هذا الكل ياخي
ماريا؛ خاطر اللي قتلوهم يكونوا ولادي
اليف؛ هههههه لا اما دراما هاذي لي راني فيها .....ههههههه لا يعني انتي جداتي هههههههههههه روعة زيدي تراه ..
سراج؛ اليف نعرف اللي تسمع فيه توا يجيك صعيب اما هاذي الحقيقة
اليف؛ هههه لا مستحيل تقصد اللي 21 سنة من حياتي كذبة وكنت عايشة مع اللي قتل عايلتي هههه كان هكا علاش مقتلنيش خلاني souvenir ههه تكذبوا موش هكا
طبطب الباب و دخل راجل ..هاز في يدو ماشينات و معاه زوز فرمليات. .غزرتلهم و تلفتت نغزر لأكا لمرا ..
ماريا؛ تحليل DNA هكا تأمن بالدليل قدامك
اليف؛ لا منعملش
سراج؛ هكا باش تهرب من الحقيقة متنجمش تهرب توا
اليف؛ لا كذذذذب مستحيييل مستحييييييل
دخلت في هستيريا ..باقي غير نردد لا ..لا كهو عشت 24 سنة ..21 منها كذبة ..تي ولا مرة حسيت اني موش بنتهم ..كان يعاملني كيف أميرة اختي بالضبط ..امي زادة ..و جدتي زادة .. حطيت يدي على راسي ..نهز فيه لا ..لا مستحيل .. كلش كذبة يعني .. لا لاااا
⏩⏩⏩⏩⏩⏩⏩⏩⏩⏩⏩⏩⏩⏩
#خطوة_نحو_الجحيم
#أمجوج_يسرى