خطوة نحو الجحيم 3 ( باللهجة التونسية)

الحلقة 74

الحلقة 74:
اليف تحكي :
فيقني أوس ..غزرتلوا تاعبة علخر مزلت نحب نرقد .. نزلنا من الطيارة ...كملنا الإجراءات ..و ركبنا فكرهبة وحدة بحكم ريزارفينا دار فإسطنبول .. أوس يسوق كيم قداموا و حنا من اللورا .. حليت البلار تتنفس ..خلاقي دايرة منعرش  شبيني هاذ ليام ..غمضت عينيا و حليتهم .. هزيت راسي وقت دور المراية جيهتي ..و غزرلي غزرة متاع شنوة..تبسمتلوا متاع صافا ...غمزني و كمل يسوق .. ساعات كهو و يتبدل كلشي .. باش نرتاح و باش يرتاح زادة ..وصلنا للدار ..نزلنا جات عيني في عين سيلا ..غزرتلي ندرا كيف .. و تلفتت ..حاوطني بيديه و دخلنا ..
قعدنا فالصالة ..كيم و هديل خرجوا ..سيلا في بيتها .. و أنا زادة مشيت لبيتي .. قاعدة نطل من البالكو لف يديه على وسطي من التالي ..طبع بوسة خفيفة على كتفي
أوس؛ شبي حبي
اليف؛ شي
أوس؛ موش من عوايدك هادية هكا
اليف؛ نحب يوصل غدوة فيسع 
أوس؛ باش يوصل يا روحي و ننتقموا منو
اليف؛ حاسة احساس خايب
أوس؛ توتر كهو
اليف؛ نحبك أوس
أوس؛ و أنا زادة نعشق فيك
اليف؛ جعت
أوس؛ ممم شتحب تاكل
اليف؛ برغر يكون كبير و فيه برشا فرماج
أوس؛ هاك تدلل
تلفتت لفيت يديا على رقبتوا ...حط يديه على حزامي ..
اليف؛ اممم ميجيش ندلل على راجلي انا ؟
أوس؛ لا من حقها مرتي تطلب يحضر معنديش منها عشرة  راو
اليف؛ هيا مالا نخرجوا نحب نبدل جو
أوس؛ مثبتة متحبش تقعد هوني بيت موش نورمال
اليف؛ ههههه مثبتة من غير ما تحاول هاني باش تبدل دبشي و انتا زادة
أوس؛ امممم باهي اليف ادلل مليح يجي وقتي و ندلل انا زادة
اليف؛ ههههه باي يا روحي
خرج ضحكت بالوقت ...ههه هامل تفكيروا كان فالإنحراف ... حليت الفاليز لي عباها هو ..ضحكت تي الروب أقصر وحدة تجي فالركبة ..هزيت وحدة فالغوج بوردو .. مع أديداس بيض ..هزيت بوشات بيضا كيف .. أحسن شي أنوا يفهمني شنوة نحب حتى الألوان زادة ..حطيت شوي ماسكارا ...و روج بوردو ..سيبت شعري .. وخرجت لقيتوا خرج زادة أصلا بيوتنا متقابلين ..لابس تريكو كحل مع سروال سليم باج و أديداس فلكحل .. نواضر كوحل زادة هزيتوا و حطيتوا.. زيان برشا في شهر ..قدم عندي حتى حصرني مع الحيط ..غزرتلوا فعينيه باقي يغزر لشفافي ..
اليف؛ أووس
أوس؛ اششش وش قلنا على هاذ الروج
اليف؛ يخرجلي مع الغوب أوس أمااان
أوس؛ ففف باهي اليف هيا
جبد روحو و مشا شوي ..لحقت عليه حكمتوا من يدو ..حبستوا غزرلي ..
اليف؛ تحب نحيه ؟
أوس؛ لا
اليف؛ مالا شبيك تغششت اكا
أوس؛ الييف افهم نغير منحب حتى حد يغزرلك غيري...راك متاعي ..
اليف؛ هاك انتا زادة طالع مزيان برشا لدرجة حبيت نبوس...
حطيت يدي على فمي ..تي منين خرج الكلام هذا توا ..ضحك على طول صوتوا ..نحيت يدي و ڨحرتلوا ..
أوس؛ ههههه تحب تبوسني مالا
اليف؛ لا
أوس؛ هههه و علاش معملتهاش
اليف؛ أووس يززززي عاد
أوس؛ ههههه باهي باهي
اليف؛ هيا
مشيت خطوات
أوس؛ مثبتة متحبش توا
اليف؛ أوووووس
أوس؛ ههههههههه فرخة
خرجنا نحوسوا ..اسطنبول مدينة اللي تخليك تحب تعيش ..قاعدين على طابل تاكل و تتبنن .. غزرتلها ياسر بريئة تي تبان طفلة صغيرة ...من تصرفاتها .. غزرت للبحر اللي مقابلنا ..كلش باش يبان غدوة ..ممكن منعيشش اما اهم شي نكون خذيت حق الناس المظلومين منوا ..تلفتت غزرتلها كيف تغزرلي
اليف؛ باش تكون مليح على خاطري موش هكا !
حكمت يدها
أوس؛ أكيد يا روحي متقلقش باهي
اليف؛ باهي
أوس؛ كملت ياخي!!
اليف؛ امم
أوس؛ وليت ديناصور 3 برغر كبار يا بنتي
ڨحرتلوا و أنا نشرب فالجي متاع التوت
اليف؛ شنوة تحسبلي أصلا نحب عالڨلاص توا
أوس؛ باهي اما هوني مفماش نبدلوا البلاصة
اليف؛ أوكي
قمت من التابل ..حط الفلوس عليها و مشينا ..تعدينا عالبوسفور ...لقينا واحد فما و بالصدفة جات هديل و كيم
هديل؛ هاكم هوني
أوس؛ ههه توحشتينا
هديل؛ توحشت اليف انتا لا بالطبيعة
كيم؛ ههه ميسالش انا متوحشو
اليف؛ هههههه
طلب الڨلاس و قعدنا في طابل ..ناكلوا بعد ما كملنا راح أوس باش يزيدلي واحد ...
أوس؛ اعطيني بوات كبيرة فراز
------:أوس بن مالك
تلفتت على جنبي ريت واحد يجي في عمري اشقر يغزرلي اما تفاجأت كيف عرف اسمي خاطر ال FBI متفاهمين على اسم القائد 33
أوس؛ غالط
-------: ايجا معايا
أوس؛ شكونك انتا
---------: نحب مصلحتك اغزر
غزرت لفيديوا فيدي متاع وحدة محبوسة و تعيط توا أوس يجي ينقذني و تشوفوا ...دار زوم للفيديوا ..تصدمت ..
-------: أنا عساس مناوب هونيك تو كون يشوفوني معاك اما شقت على قلبي سيرين حكاتلي حكايتها و كيف اغتصبوها ولدها معايا توا
أوس؛ سس سيرييين !!!!!
⏩⏩⏩⏩⏩⏩⏩⏩⏩⏩⏩⏩⏩⏩
#خطوة_نحو_الجحيم
#يسرى_أمجوج