خطوة نحو الجحيم 3 ( باللهجة التونسية)

الحلقة 98

الحلقة 98 :
أصلا وافقت خاطرها خايفة .. وصلتها للمطار بعد ما ريڨلت أمور ورقها .. خليتها في قاعة الانتظار طيارتها بعد 15 دقيقة...للي صار و محسبتلوش ..انو وائل خطفها من المطار ...خاف لا تخبر البوليس عليه ... تحكم فيه التهمة خاطر الين مريضة ... مفقتش بالحكاية كان كي أنقذها أوس ... توا هي في صقلية في فيلا متاعي .. تنجم تقول تعافات بنسبة 90 % مبقاتش ..تتهجم على الناس .. اصلا تعدي وقتها تقرا الكتب ... الحالة متاع مرضها ...يا تؤدي للموت و الانتحار يا تدي للتوحد و العزلة اما موش للدرجة الكبيرة ... يعني يتحول التوحش و العنف اللي فيها للمسالمة حتى كان تنظلم تبقى ساكتة و تتجاوز الشي .. و هذا كل شي مخبي من لول للتالي ...
اليف؛ أمير تعرف اللي فاجاتني ...كل مرة حقيقة تهزني وترميني .. و دمرني زادة
أمير؛ صعيب عليك اللي تسمع اصلا موش اي حد ينجم يتقبل اللي يصيرلوا باز كون حد خلاف كان يهبل ... خاطرك قوية تنجم تتحمل
اليف؛ نتحمل شنية أمير اللي نحبوا في بالو اللي انا كنت السبب في اغتصاب خطيبتوا على هاذي كرهني ...و اللي عملت هاذ الشي اختي ...يعني كان نحكي .. مستحيل يخليها أوس تعيش ...مهما كان تي انا منرضاهاش لروحي ..  علاش أمير متجينيش اكا الحياة العادية  ... وين نرقد هانية .. و نفيق هانية .. من غير ما تطلعلي كل يوم حقيقة جديدة تقلبلي حياتي .. كل ما نقول وفات ...نلقا روحي نغرق تحت موجة جديدة ...يعني انا خايبة لهاذ الدرجة باش نعيش الشي هاذا الكل ..
أمير؛ اهدا اليف
قدم عندي يغزرلي ..
اليف؛ توا فهمت علاش مفركسش عليا ... ولا حتى حاول .. هههه توا في بالوا انا لعبت عليه من لول ...خاطر كل الدلائل تبين هكا ...
نزلوا دموعي مسحتهم و كملت نحكي ...
اليف؛ ههه تعرف علاش مجاش يقتلني و ياخو حق سيرين ..خاطروا يحبني على هاذي مستحيل ينجم ..، حتى كان هي معاه .. و حبها و خطيبتوا ..اما نجمت نأثر فيه ... تعرف اللي بيني و بينو ... خطوة وحدة كهو انوا نخبروا كلشي ... كلش باش يظهر ... حتى كان كانت كاينة سيرين اما ميفرطش فيا ... خاطرو حبني مينجمش يأذيني ... ههه تعرف كان يقولي اللي هو ميتحملش يشوف دموعي ...
أمير؛ تحب ترجعلوا انتي ؟
اليف؛ كان نقولك اللي انا و مزش فاهمة روحي ...شنحب ولا شنعمل مبقيتش عارفة ..اما ريتوا يشطح معاها كانوا ياسر فرحانين ...  عرس هديل هو لازم يفرح ..حتى ولدها محلاه صغرون .. يبانوا عايلة .. نعرف يحبني..هه قصدي حبني من قبل عالأقل لحظة ...اما توا  منعرش ..
أمير؛ كان عدت متوجعة تنجم تجرب حظك و ترجعلوا عالأقل متندمش فالمستقبل
اليف؛ أمير ...كيف باش نواجهوا ..اصلا اول سؤال باش يكون علاش عملت ...هكا نخبروا اللي اختي ... و يقتلها ّ. .. راهي ختي رغم كلشي .. انا اكثر وحدة ننجم نفهمها خاطر عشت الدوا و السبيطار ... و كيف تهرب من وجيعتك للدوا ... ههه مقدرلي انا و اختي نعيشو نفس الحالة ...باز هطا باش نفهمها ... صحيح نحبوا اما منضحيش باختي ...
طلعت راسي ...ننحاول نستجمع قوتي .. خذيت نفس طويل دخل لنص روايري .. عقبت يديا نمسح دموعي اللي يخونوني كل مرة .. غزرتلوا
اليف؛ في بالها اللي عندها اخت ..؟
أمير؛ امم كانت تفركس عليك معانا .. تحب تلقى اختها اما بعد اللي صرا ... مزادتش حكات على اي شي يخص العايلة اصلا تحكي معايا كان انا و سراج .. ماريا تبرات منها جملة ...
اليف؛ اديني عندها امير
أمير؛ متأكدة ! باز متحكيش معاك و
اليف؛ موش باش يصير شي اختي هاذي
أمير؛ باهي
عيطت للطيار يحضر الطيارة .. أصلا وقت جدي بنا هاذ الفيلا ...دار حساب للطيارة و هذا أحسن شي ... خبرتها مشينا ...ركبنا الطيارة .. هزيت راسي غزرتلها ...تغزر للبعيد يديها مكبشتهم في بعض .. تكيت راسي للتالي غمضت عينيا ... نحبها تي نعشق دين والديها ... اما كل مرة تبينلي بلي تحب أوس .. يمكن كان جات فيدي راني قتلتوا .. اما لا موش  انا اللي نعمل هكا باش نخليها تحبني ... تي في بيت وحدة .. و محافظ عليها. كثر على روحي ... الحب تضحية قبل ما يكون تملك ... خاطر وقت تضحي انتا تحب اما وقت تحب تتملك هاذس أنانية ّ... و فالتالي كي تكون هي فرحانة ... وقت هي تكون ... يروح هاذ العالم للجحيم ..حتى كان انا ... المهم تبدا هي راضية ... هكا تعلمت نحب انا ... و على هاذي باش نوقف معاها للتالي  كيف ما كنت ... مهما صار و مهما باش يصير ....حليت عينيا وقت بدات الطيارة تحط ...غزرتلي تاخو فالقوة مني .. تبسمتلها و نزلنا ... خذيت الكرهبة من عند واحد من رجالي ... خدمتها ديراكسيون للفيلا ... باز الين وقت تشوف اختها ترتاح كثر .... مشوار ربع ساعة و كنا فما... هزيت راسي غزرتلها ... غزرتلي ...
أمير؛ مستعدة انتي ؟
اليف؛ اممم
أمير؛ هيا
⏩⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم