خطوة نحو الجحيم 3 ( باللهجة التونسية)

الحلقة 104

الحلقة 104 :
تبسمتلوا ...عينيه حمر جمر ....قام من بلاصتوا خنقني ...تركزت عالبيانوا ...دوب قاعدة نتنفس ...
أوس؛ شمجيبك هوني!!
اليف؛ هه ششنوة متحبش تشوفني
أوس؛ منحبش و تعرف هاذ الشي ..اما مصح رقعتك هاك جيت ..
حكمتها السعلة ..الظاهر تخنقت جبدت يدي منها بالوقت ...حطت يدها على رقبتها ترد فالنفس ..
اليف؛ هههه جيت نكون شاهدة من جيهتك اما خسارة هاني لحقت روتار
قدمت جبدتها من فكها ...جا وجهي مع وجهها ..باقي تتنفس بزربة ..
أوس؛ تعرف اللي جيت تشهد على موتك
حطت يديها على سدري .. و اليد الثانية عاليد اللي كابس بيها على وجهها ..تحاول تبعدني ...كبست على وجهها كثر .. و رديت يدها الثانية ورا ظهرها ..
اليف؛ شكون قال بلي يجي نهار و نتواجهوا هكا أوس بن مالك
أوس؛ زايد الكلام معاك
اليف؛ هه بالطبيعة ماك خذيت اللي تحب عليه
أوس؛ ههه تعرف اللي كنت **** كيف أي وحدة عديت معاها أي ليلة أما انتي لا شيختني كثر
اليف؛ ساااااقط
أوس؛ نقص حسسسك موش معايا تعلي صوتك جامي ال***** يعلى صوتهم باهي
دزيتوا للتالي و جبدت روحي ... قداش عيفني فروحي بهدرتوا هادي ...متوقعتش نطلع عندو رخيسة هكا ..
أوس؛ اممم زادة شفت تصاورك و أمير متاعك يبوس فيك ...شنوة عاود خلاك طبيبك
اليف؛ عالأقل طلع راجل للتالي و ميفرطش فيا بالساهل طمن ...
أوس؛ اممم تعطيلوا شيحب فالليل على اذيكا
اليف؛ و رحمة أمي أوس باش تندم وقتها عندك تطلب مني السماح خاطر جامي نغفرلك
أوس؛ موش باش نطلب السماح و منك ههه انسا .. تعرف علاش مجيتش نقتلك ..خاطر تعادلنا
اليف؛ شتقصد
أوس؛ انتي خذيت أغلى شي من سيرين و أنا خذيتوا منك
اليف؛ ممم صار هكا ... تتهنا مالا
أوس؛ هه بالطبيعة تزوجتها قبيل و كتبنا صداقنا اغزر للخاتم فالتالي هاي معايا
غزرت للخاتم ... و غزرتلوا نفسي باش يحبس .. دوب ما راني واقفة .. غزرتلها كيف جاية من بعيد بالروب ...الظاهر تفركس عليه ...تبسمت على جنب ...تو نختم كلشي قدمت ليه .. جات عيني فعينوا ...باقي يتبع فيا .. طلعت شوي ...هربوا مني زوز دمعات .. قدمت ليه كثر مسافة صغيرة تفصلنا ..
اليف؛ مرة كنا قراب كيف هكا ... كنا وقتها فالدوش .. و انا لفيت يدي على رقبتك كيف توا ...
لفت يدها على رقبتي ...منجمت نقرب منجمت نبعد...باقي جامد .. الكلام اللي يغلي داخلي الكل برد ...
اليف؛ و يدي الثانية على لحيتك نعدي فيها كيف توا
طلعت يدها ...
اليف؛ تتذكر وقتها شنوة قلتلك ؟
كبشت فيا كثر ...نزلت راسي شوي
أوس؛ باش نعاقبك أني نكون قريبة ليك برشا و متنجم تعمل حتى شي 
دوب ما كمل بستوا بكل غل ... الغش اللي فيا فرغتوا فيه ..بعدت شوي على جنب غزرتلها كيف جامدة في بلاصتها ..حاطة يديها على فمها ...باقي يغزرلي كهو... غزرتلوا فعينيه و تبسمت ..
اليف؛  و هذا عقابك ...كلشي مبروك أوس نتمنا منتلاقاوش فالمستقبل .. باي
بعدت عليه .. باقي واقف في بلاصتوا ...ريقلتلوا الكول متاع الشوميز ..و تلفتت مشيت خطوات ...و هزيت يديا نمسح فالدموع اللي هربوا مني .. قلبي باش يحبس ... وجيعة تقطع فيا ... هاني طلعت عندو **** فالتالي ... و طلعت هي الصح ... ريت الخاتم في يدو ... توا ولا راجل سيرين ..ههه و ولات مرتو .. أما انا خسرت كيف كل مرة ...  منجمتش نخبرو على ولدوا و انا نسمع في هدرتوا ...تقولشي قاعد يغرز فالسكاكن فيا ... و طلعت انا تصفية حساب متاع سيرين ..دوب ما خرجت من ااكا البلاصة ...تكيت بيدي عالحيط ...وجيعة ماشية و تقوا ... حطيت يدي على كرشي .. نحاول نقوي فيه ... حتى هو حس بالي يصير .. نزلت بالشوي لين جيت قاعدة ...تكيت راسي عالحيط ... خذيت نفس طويل و قمت ...دوب ما راني ننجم نعمل خطوة .. مستحيل ننجم نسوق .، باش نكلم أمير .. باقي نلوح فالخطوات باش نوصل للكرهبة ..جيت باش نحل الباب ...حسيت بطرف متاع القماش كي تحط على خشمي .. باقية نتخبط تلفتت ...نغزر لكرهبة كحلة مراكية ..، و فيها 4 رجال جيت باش نجبد السلاح أما طحت و ما عاد حسيت بشي ...
⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩⏩
#يسرى_أمجوج
#خطوة_نحو_الجحيم